ڈالر او ر سونے کی قیمت میں اضافہ

کراچی: آج انٹربینک میں ڈالر کی قیمت میں مزید اضافہ ریکارڈ کیا گیا۔

اسٹیٹ بینک آف پاکستان کے مطابق جمعرات کو کاروبار کے اختتام پر انٹربینک میں ڈالر کی قیمت میں مزید 14 پیسے کا اضافہ ہوا،جس کے بعد امریکی کرنسی کی قیمت 278 روپے 26 پیسے سے بڑھ کر 278 روپے 40 پیسے پر بند ہوئی،کاروبار کے آغاز پر انٹربینک میں ڈالر 6پیسے کے اضافے کے بعد 278 روپے 32 پیسے پر ٹریڈ کر رہا تھا جبکہ اوپن مارکیٹ میں امریکی ڈالر کی قیمت خرید 276.96 روپے اور قیمت فروخت 279.45 ہے، گزشتہ روز انٹربینک میں کاروبار کے اختتام پر ڈالر معمولی اضافے کے بعد 278 روپے 26 پیسے پر بند ہوا تھا۔

ڈرامہ سیریل ‘عشق مُرشد’ کی جوڑی بلال عباس اور درفشاں سلیم نے خفیہ نکاح کرلیا …

دوسری جانب عالمی مارکیٹ میں سونے کی قیمت میں اضافے کے بعد پاکستان میں سونے کی قیمت میں اضافہ ریکارڈ کیا گیا ہے،آل پاکستان جیمز اینڈ جیولرز ایسوسی ایشن کے مطابق مقامی صرافہ مارکیٹوں میں سونے کی فی تولہ قیمت ایک روز میں 1600 روپے اضافے کے بعد 2 لاکھ 45 ہزار 600 روپے ہوگئی جبکہ 10 گرام سونے کی قیمت 1371 روپے اضافے کے بعد 2 لاکھ 10 ہزار 562 روپے ہوگئی ہے،اسی طرح 22 قیراط فی تولہ سونا 2 لاکھ 22 ہزار 750 روپے جبکہ 21 قیراط سونے کی قیمت میں 2 لاکھ 12 ہزار 6 سو 25 ہو گئی ہے ،دو سری جانب چاندی کی فی تولہ قیمت 80 روپے اضافے کے بعد 2 ہزار 730 روپے ہوگئی۔

روسی صدر اپنے چینی ہم منصب کی دعوت پر چین پہنچ گئے