علی سفینہ بھی کورونا وائرس کا شکار ہوگئے

پاکستانی اداکار علی سفینہ بھی کورونا وائرس کا شکار ہوگئے۔

باغی ٹی وی : گزشتہ برس سے اب تک پاکستان میں شوبز سے وابستہ کئی شخصیات بھی کورونا وائرس کا شکار ہوئیں، جن میں ندا یاسر ، یاسر نواز، واسع چوہدری ، صحیفہ جبار ،ابرارالحق ، ماہر ہ خان کورونا کا شکار ہوئے تھے جبکہ رواں برس اداکارہ بشریٰ انصاری کی بہن اور اداکارہ سنبل شاہد، آمنہ الیاس، علی رحمٰن ،علی عباس اور سمیع خان کورونا کا شکار ہوچکے ہیں –

جبکہ حال ہی میں اداکار جواد احمد میں دوسری مرتبہ کورونا کی تشخیص ہوئی تھی اور اب اداکار علی سفینہ بھی کورونا میں مبتلا ہو گئے ہیں-

Dosto,

I’ve been tested positive for Corona virus after dodging it for almost more than a year.

Wish me luck!!

— Ali Safina (@alisafinas) April 27, 2021

علی سفینہ نے سماجی رابطے کی ویب سائٹ ٹوئٹر پر کی گئی ٹوئٹ میں مداحوں کو کورونا سے متاثر ہونے سے متعلق بتایا۔

اپنی ٹوئٹ میں علی سفینہ نے کہا کہ ‘دوستو، تقریباً ایک سال سے زائد عرصے تک وبا کو چکمہ دینے کے بعد میرا کورونا وائرس کا ٹیسٹ مثبت آگیا ہے۔

واضح رہے کہ علی سفینہ ان دنوں نجی چینل کے ڈرامے ‘چپکے چپکے’ میں گھر داماد مسکین علی کا کردار ادا کررہے ہیں رمضان اسپیشل ڈراموں میں ان دنوں ڈراما ‘چپکے چپکے’ کی بہت دھوم ہے اور مداحوں کی بڑی تعداد کی جانب سے اسے بہت پسند کیا جارہا ہے۔

اس سے قبل علی سفینہ نے نجی چینل سے نشر ہونے والے ڈرامے ‘تاکے کی آئے گی بارات’ سے بہت زیادہ شہرت پائی تھی۔