کرونا وائرس، علی ظفر کا دفعہ 144 کی خلاف ورزی پر وزیر اعلی پنجاب عثمان بزدار پر برہمی کا اظہار
پاکستان کے معورف گلوکار و اداکار علی ظفر کا وزیر اعلی پنجاب پر برہمی کا اظہارکیا ہے علی ظفر حکومت کے خود ہی نافذ کئے گئے دفعہ 144 کی خلاف ورزی پر برہم ہوئے اور سوشل میڈیا پر اس کااظہار بھی کردیا
باغی ٹی وی : پاکستان کے معروف گلوکار علی ظفر نے وزیر اعلیٰ پنجاب عثمان بزدار پر لوگوں کو ایک جگہ جمع کرنے پر برہمی کا اظہار کیا ہے سماجی رابطے کی ویب سائٹ ٹوئٹر پر عثمان بزدار سمیت گورنر پنجاب چوہدرہ محمد سرور کی عوامی اجتماع میں پیش ایک تصویر شیئر کی اور لکھا کہ ایک ایسے وقت میں کہ جب پوری دنیا میں معاشرتی تنہائی اختیار کرنے پر زور دیا جارہا ہے پنجاب میں عوامی اجتماع کو دیکھ کر حیران ہوں
Sir @UsmanAKBuzdar. With utmost respect it is quite shocking to see this congregation in times when social isolation is an absolute MUST. U must lead from the front sir. Hospitals in Punjab seem to have no clue & we still seem to be unaware of the seriousness of what can happen. pic.twitter.com/6kgNnwuP41
— Ali Zafar (@AliZafarsays) March 20, 2020
علی ظفر نے عثمان بزدار کو مخاطب کرتے ہوئے کہا کہ آپ کو کورونا وائرس کے حوالے سے آگے بڑھ کر عوام کی قیادت کرنی چاہیئے
انہوں نے کہا کہ ایسے اجتماع سے اندازہ ہورہا ہے کہ جان لیوا کورونا وائرس کی سنگینی سے عوام اب تک بے خبر ہے
واضح رہے کہ پنجاب حکومت نے کورونا وائرس کی حفاظتی تدابیر کے خدشات کے پیش نظر صوبے بھر میں چار روز قبل دفعہ 144 نافذ کر دی تھی جسکے تحت 4 سے زائد افراد کے ایک جگہ جمع ہونے پر پابندی تھی
