پاکستان کے عالمی شہرت یافتہ اداکار و گلوکار علی ظفر اور گلوکارہ آئمہ بیگ کا گزشتہ روز سالِ نو کے موقع پر مداحوں کے لیے نیا گانا ‘وے ماہیا’ ریلیز ہوتے ہی مقبول ہو گیا-
باغی ٹی وی : دونوں فنکاروں کی جانب سے سالِ نو پر گانا ریلیز کرکے مداحوں کو نئے سال کا تحفہ دیا گیا ہے چند روز سماجی رابطے کی ویب سائٹ انسٹاگرام پر علی ظفر اور آئمہ بیگ نے ‘وے ماہیا’ کا ٹیزر جاری کیا تھا-
https://www.instagram.com/p/CJgVgTpgVoV/?igshid=echzun51ecn9
ویڈیو میں علی ظفر اور آئمہ بیگ کو برف پوش پہاڑوں میں ملتے اور بچھڑتے دکھایا گیا تھا۔
https://www.instagram.com/p/CJg_ZNeh-8h/?igshid=6bnap1jvl13q
اس کے ساتھ ہی ٹیزر میں علی ظفر کی آواز بھی شامل ہے جس میں وہ کہہ رہے تھے کہ ٹوٹ جاتے ہیں دل عشق کے درباروں میں، لوٹ جاتے ہیں عاشق برف کے انگاروں میں، سنا ہے ڈھونڈنے سے خدا بھی مل جاتا ہے، شاید ہم بھی مل جائیں اک دن تمہیں ٹوٹے ہوئے ستاروں میں۔
علی ظفر اور آئمہ بیگ کے نئے پروجیکٹ ‘وے ماہیا’ کا ٹیزر جاری
اپنی پوسٹس میں علی ظفر اور آئمہ بیگ نے بتایا تھا کہ ‘وے ماہیا’ کو سالِ نو کے موقع پر یکم جنوری 2021 کو ریلیز کیا جائے گا لہذا گزشتہ شام میں انہوں نے یہ گانا ریلیز کردیا۔
وے ماہیا کا آغاز علی ظفر کے انہی بولوں سے کیا گیا ہے جس میں وہ برف پوش پہاڑوں میں اداس بیٹھے دکھائی دیتے ہیں۔
علی ظفر اور آئمہ بیگ کے پہلے ڈوئٹ سانگ کی ہدایات عدنان قاضی نے دی ہیں جبکہ اس کی شاعری حسن بادشاہ نے ترتیب دی ہے۔
آئمہ بیگ خوبصورت ترین،عالی ظرف اور مکمل طور پر ایک شاندار انسان ہیں شہباز شگری
گلوکار علی ظفر نے انسٹاگرام پر جاری پوسٹ میں اپنا گانے کی ویڈیو شیئر کرتے ہوئے کہا یہ میری طرف سے تمام محبت کرنے والوں کو خراض تحسین ہے جو تمام مشکلات کے باوجود ایک دوسرے کو پالیتے ہیں۔
دوسری جانب آئمہ بیگ نے بھی اپنے انسٹاگرام اکاؤنٹ پر جاری پوسٹ میں اپنے گانے کی ویڈیو جاری کی۔
گانے کے حوالے سے آئمہ بیگ نے کیپشن میں لکھا کہ انہیں گانے کی شوٹنگ بہت خوبصورت جگہ پر کی گئی اور وہاں بہت زیادہ ٹھنڈ بھی تھی۔
انہوں نے علی ظفر کے ساتھ گانے کی شوٹنگ ٹیم اور ہدایت کار کی صلاحیتوں کو بھی سراہا۔
دونوں کے اس نئے گانے کو مداحوں کی جانب سے بہت زیادہ پسند کیا جارہا ہے اور اس کی یوٹیوب ویڈیو کو صرف 17 گھنٹے میں 2 لاکھ سے زائد مرتبہ دیکھا جاسکتا ہے۔
