بالی وڈ کی نامور اداکارہ عالیہ بھٹ جو کہ اپنی شادی سے پہلے افئیر ز کی زد میں رہیں ۔ وہ جب سے بالی وڈ میں آئی ہیں ان کا نام کئی ہیروز کے ساتھ جڑا لیکن ورون دھون کے ساتھ محبت کا اظہار تو وہ خود اپنے کئی انٹرویوز میں بھی کر چکی ہیں۔ اگر رنبیر کپور کا نام بہت ساری لڑکیوں کے ساتھ لیا گیا تو عالیہ بھی پیچھے نہ تھیں۔ پھر ان دونوں کا آپس میں ملنا اور شادی کا فیصلہ کر لینا سب کے لئے ہی حیران کن تھا۔ عالیہ بھٹ نے حال ہی میں ایک انٹرویو دیا ہے جس میں ان سے پوچھا گیا کہ عالیہ آپ کا پہلا کرش کون تھا ، تو انہوں نے نام لیا شاہ رخ خان کا ، انہوں نے کہا کہ شاہ رخ خان میرا پہلا کرش تھا،
”میں بچپن میں ان کی فلمیں دیکھا کرتی تھی ان سے بہت متاثر ہوا کرتی تھی ،” میں نے کبھی سوچا نہیں تھا کہ بڑی ہو کر مجھے ان کے ساتھ کام کرنے کا موقع میسر آئیگا۔ ہم نے ایک ساتھ فلم ڈئیر زندگی میں کام کیا، میری خوشی کی انتہا نہ تھی جب مجھے شاہ ر خ خان کے ساتھ فلم میں کام کرنے کا موقع میسر آیا ۔ انہوں نے کہا رنبیر تو میرا اب کا کرش ہے لیکن شاہ رخ خان ہمیشہ ہی میرا کرش رہے گا۔ وہ ایک بہترین ہیرو ہونے کے ساتھ ایک بہترین انسان بھی ہیں ۔ یادرہے کہ عالیہ بھٹ کی فلم راکی اور رانی کی پریم کہانی سپر ہٹ ہوئی اس سے پہلے ان کی اور رنبیر کپور کی براہمسٹرا ہٹ ہوئی اب وہ ہارٹ آف سٹون سے اپنا ہالی وڈ ڈیبیو کرنے جا رہی ہیں۔
