پاکستان شوبز انڈسٹری کے عالمی شہرت یافتہ گلوکار و اداکار علی ظفر نے بھی سینئیر اداکار راشد محمود کے ساتھ کئے گئے سلوک پر پی ٹی وی پر برہمی کا اظہار کیا ہے –

باغی ٹی وی : گلوکار علی ظفر نے شمعون عباسی کے سینئر اداکار راشد محمود کے حوالے سے کیے گئے ٹوئٹ کا جواب دیتے ہوئے ایک واقعہ بیان کیا کہ جب اُنہوں نے سرکاری ٹی وی چینل کا دورہ کیا تھا۔

علی ظفر نے اپنے ٹوئٹ میں لکھا کہ اُنہیں وہ دن یاد ہے جب وہ سرکاری ٹی وی چینل کا دورہ کرنے گئے تھے اور وہاں اُنہوں نےدیکھا تھا کہ ایک سینئر اور نامور فنکار ادارے سے درخواست کررہا تھا کہ اُن کے کام کی ادائیگی بڑھائی جائے کیونکہ اُس وقت بھی ادارہ اُنہیں انتہائی کم ادائیگی کر رہا تھا۔

I remember the day I had visited PTV some years ago and was shocked to see such a senior & respected artist urging for his (very small) payment to be cleared. I had conveyed that I would not take mine until his was cleared with the hope that things would change sooner than later. https://t.co/IiLTgiSJzL

— Ali Zafar (@AliZafarsays) September 13, 2020

گلوکار نے لکھا کہ یہ سارا منظر دیکھنے کے بعد میں نے فیصلہ کیا کہم یں اُس وقت تک یہاں کام نہیں کروں کہ جب تک یہ ادارہ ان معاملات کو ٹھیک کرنے کی منظوری نہیں دے دیتا۔

علی ظفر نے اپنے ایک اور ٹوئٹ میں لکھا کہ ہمارے یہاں فنکاروں، اداکاروں، پروڈیوسرز حتیٰ کے صحافی اور دیگر ملازمین کے لیے اپنی ماہانہ وار تنخواہوں کی وقت پر نہ ادائیگی ایک معمول بن گیا ہے۔

It has become a common norm for artists, actors, producers even journalists & various other employees to chase their pending salaries/payments for months as if they were asking a favour. This culture needs to end. There should be a law which binds for timely payments.

— Ali Zafar (@AliZafarsays) September 13, 2020

اُنہوں نے لکھا کہ ادارے تنخواہ دیتے وقت اس طرح رویہ اختیار کرتے ہیں جیسے ان پر کوئی احسان کر رہے ہوں اس کلچر کو ختم ہونے کی ضرورت ہے۔ ایک ایسا قانون ہونا چاہئے جو بروقت ادائیگی کا پابند ہو۔

گلوکار نے اپنے اگلے ٹوئٹ میں لکھا کہ ایک معاشرہ تخلیقی اور ادبی صنعت کے ساتھ جس طرح سلوک کرتا ہے اُسی سے دُنیا بھر میں جانا جاتا ہے۔

A society is known by the way it treats it’s creative and literary minds.

— Ali Zafar (@AliZafarsays) September 13, 2020

واضح رہے کہ سینئر اداکار راشد محمود کو محرم الحرام میں مرثیہ پڑھنے پر سرکاری ٹی وی چینل کی جانب سے صرف 620 روپے کا چیک دینے پر شمعون عباسی نے شدید برہمی کا اظہار کرتے ہوئے اپنے ٹوئٹر اکاؤنٹ پر راشد محمود اور چیک کی تصویر شیئر کی تھی جو سرکاری ٹی وی چینل کی جانب سے سینئر اداکار کو بھیجا گیا تھا-

ٹوئٹر پر راشد محمود اور چیک کی تصاویر شیئر کرتے ہوئے شمعون عباس نے لکھا کہ پی ٹی وی نیٹ ورک جیسے ادارے کی طرف سے مسٹر راشد محمود کو صرف 620 روپے کی ادائیگی کرنا میری سمجھ سے باہر ہے۔

شمعون عباسی نے سوالیہ انداز میں لکھا کہ آخر اس ملک میں پرائڈ آف پرفارمنس اداکار کو اُس کے کام کی ادائیگی کرنے کا کیا معیار ہے؟

اداکار نے سوال کیا کہ کیا راشد محمود نے کئی دہائیوں تک شوبز انڈسٹری کے لیے اپنی خدمات سرانجام نہیں دی ہیں؟

واضح رہے کہ : گزشتہ دنوں سرکاری ٹی وی چینل نے پرائیڈ آف پرفارمنس جیسا اعزاز اپنے نام کر نے والے سینئر اداکار راشد محمود کو محرم الحرام میں مرثیہ پڑھنے پر صرف 620 روپے کا چیک بھیجا تھا جس کے بعد راشد محمود نے سرکاری ٹی وی چینل پر مزید کام نہ کرنے کا اعلان کیا تھا۔

راشد محمود کا کہنا تھا کہ سرکاری ٹی وی چینل نے 620 روپے کا چیک بھیج کر اُن کی 40 سال کی خدمات کی تضحیک کی ہے۔

سینئیر اداکار راشد محمود کاشمیری کا پی ٹی وی پر کام نہ کرنے کا اعلان