الخدمت کا پیسہ حافظ نعیم کی مئیر شپ کے لیے لگایا گیا،سعید غنی

پیپلزپارٹی کراچی کے صدر اور صوباٸی وزیرسعیدغنی نے پریس کانفرنس کرتے ہوئے کہا ہے کہ کراچی کے تیرہ ٹاونز کے نامزد چٸیرمین موجود ہے، کل تعزیت پروگرام میں سراج الحق کوبھی بلایا گیا تھا، رونے دھونے کا سلسلے جاری ہے،

سعید غنی کا کہنا تھا کہ شاید نومٸی کے واقعات اس لٸے ہوٸے حافظ نعیم الرحمن کراچی کا مٸیر نا بنے، پی ٹی آٸی کے چٸیرمین نے نومٸی سے پہلی ہی حافظ نعیم الرحمن کوووٹ نا دینے کا اعلان کر رکھا تھا،سراج الحق کل آصف علی زرادری کوووٹ تسلیم کرنے کی بات کرتے ہیں،جماعت اسلامی پیپلزپارٹی کا مینڈیٹ تسلیم کرے توہم بھی انکا مینڈیٹ تسلیم کرینگے، جماعت اسلامی کے اندر اختلافات ہیں، لوگ حافظ نعیم کے رویے سے نالاں ہیں۔چیئرمین پی ٹی آئی کے نام پر ووٹ مانگو گے تو ٹھینگا ملے گا، ہم کسی ملک دشمن کی چوکھٹ پر ووٹ کیلئے نہیں جا رہے۔ ہم منتخب لوگوں سے رابطہ کر رہے ہیں کہ ہمارے نامزد میئر کو ووٹ دیں، الیکشن میں شکست دیکھتے ہی حافظ نعیم پیپلزپارٹی پر گھٹیا الزامات لگا رہے ہیں۔ ہم پر پابندی نہیں، کیوں پی ٹی آئی کے ارکان سے نہیں مل سکتے؟ میں نے ان ارکان سے حمایت مانگی ہے،الخدمت کا پیسہ حافظ نعیم کی مئیر شپ کے لیے لگایا گیا

میئر کے امیدوار مرتضیٰ وہاب کا کہنا تھا کہ نفرت اورتفریق کی سیاست کو کراچی کے شہریوں نے مسترد کر دیا ہے، حافظ نعیم الرحمن کی کراچی کی پیداٸش ہے کیا ؟سلمان مراد ،سعید غنی اورمرتضی وہاب کراچی میں پیدا ہوٸے ،نفرت کی اور تفریق کی سیاست شہر کی خدمت نہیں،کراچی منی پاکستان ہے، کراچی والوں نے نفرت کی سیاست کرنے والوں کومسترد کیا ہے، ہماری ترجیح آنے والے طوفانی حالات اورخدمت ہے، حافظ نعیم کراچی کا بیٹا نہیں، میں اور سلمان عبداللہ مراد کراچی میں پیداہوئے ہیں،یہ شاہراہ قائدین پرجوباتیں کررہے ہیں ،ہم اپنے کردار اور خدمت سے ان چیزوں کی نفی کریں گے،اگلے چارسال اس سے بھی اگلے چارسال ہم خدمت کریں گے،

عمران خان نااہل ہو کر باہر جائیں گے؟