کراچی : الخدمت، پیما کے تعاون سے شہر کے 10مقامات پر’’ شوگراسکریننگ کیمپس‘‘ پرسوں لگائے گی ۔
الخدمت کراچی کے تحت اورپاکستان اسلامک میڈیکل ایسوسی ایشن (پیما)کے تعاون سے’’ ذیابیطس کے عالمی‘‘ دن کی مناسبت سے کل21 نومبر بروز اتوار شہر کے 10مقامات پر ’’ شوگر اسکریننگ کیمپس ‘‘منعقد کیے جا رہے ہیں ۔الخدمت اسپتال ناظم آباد میں قائم مرکزی کیمپ کا افتتاح وورہ امیرجماعت اسلامی کراچی حافظ نعیم الرحمن کریں گے اور اس موقع پر وہ میڈیا سے بات چیت بھی کریں گے ۔
الخدمت کی جانب سے شوگر اسکریننگ کیمپس الخدمت اسپتال کورنگی ،الخدمت فریدہ یعقوب اسپتال گلشن حدید ،کوثر ٹاؤن ،شاہ فیصل ،گلستان جوپر اسکیم 33،مسجد الہدی ٰ پاور ہاوس نارتھ کراچی ،بارتھ ناظم آباد بلاک جے ،ناظم آباد ،اورنگی ٹاؤن پونے 5نمبر اور پی آئی بی کالونی میں منعقد کیے جائیں گے ۔کیمپس صبح ساڑھے 9بجے سے صبح ساڑھے 11بجے تک بلاتعطل جاری رہیں گے ۔کیمپوں میں اسکریننگ کیلئے آنے والے تمام افراد کو ہدایت کی گئی ہے کہ وہ فاسٹنگ شوگر ٹیسٹ کیلئے 12سے 14گھنٹے کھانے کا وقفہ کر کے آئیں ۔الخدمت کے چیف ایگزیکٹو نوید علی بیگ اورا یگزیکٹو ڈائریکٹرراشد قریشی بھی مختلف شوگراسکریننگ کیمپس کا دورہ کریں گے ۔
