کرتارپورپربھارتی دہشت گردی کوناکام بنانے پردنیا بھرکے سکھ "آئی ایس آئی” کے دیوانے ہوگئے

امرتسر:پاکستانی خفیہ”ایجنسی آئی ایس آئی”کوسلام،دنیا بھرکےسکھ کرتارپورپربھارتی دہشت گردی کوناکام بنانے پر”آئی ایس آئی” کے دیوانےہوگئے،اطلاعات کےمطابق سکھ قوم اور پاکستان کے مابین تعلقات کشیدہ بنانے کے لئے کرتار پور راہداری پر ہونے والے دھماکے کی جامع تحقیقات اور راکے منصوبے کو بے نقاب کرنے کے لئے یونائیٹڈ فرنٹ آف سکھ کینیڈا اور شریومانی اکالی دل امرتسر کینیڈا ایسٹ نے پاکستان انٹیلی جنس کے کام کی تعریف کی ہے۔ .

ذرائع کےمطابق آئی ایس آئی کی خدمات کے حوالے سے متحدہ فرنٹ آف سکھ کینیڈاکے کوآرڈینیٹراور سینئر ممبرشرومنی اکالی دل امرتسر کینیڈا ایسٹ سکھمندر سنگھ ہنسرا نے ایک بیان میں کہا ہے کہ ہم پوری دنیا میں سکھوں کے مذہبی جذبات کو ٹھیس پہنچانے پرہندوستان کی غیر ملکی خفیہ ایجنسی (را)کی سرگرمیوں کی سخت الفاظ میں مذمت کرتے ہیں۔انہوں نے کہا کہ میں حکومت پاکستان سے درخواست کرتا ہوں کہ وہ خطے سے را کے کارکنوں کا قلع قمع کرنے کے لئے ضروری اقدامات کرے۔

ساوتھ ایشین وائر کے مطابق انہوں نے پاکستان کے کرتار پور صاحب اور دوسرے گوردواروں میں آنے والے تمام سکھوں کو متنبہ کیاکہ وہ علاقے میں ہندوستانی ایجنٹوں کی سرگرمیوں سے ہوشیار رہیں۔ساوتھ ایشین وائر کے مطابق انہوںنے کہا کہ پاکستان میں رہنے والے یا آنے والے پوری دنیا کے سکھ پاکستان حکومت پر اعتماد کرتے ہیں۔