جس دفتر سے نکل کر آیا تھا، اللہ نے اسی میں واپس بلوایا ہے، اسحاق ڈار

جس دفتر سے نکل کر آیا تھا، اللہ نے اسی میں واپس بلوایا ہے، اسحاق ڈار

باغی ٹی وی کی رپورٹ کے مطابق ن لیگ کے رہنما، سابق وفاقی وزیر خزانہ لندن سے پاکستان واپسی کے لئے گھر سے ایئر پورٹ روانہ ہو چکے ہیں،

پاکستان آنے کے لیے وزیراعظم شہباز شریف اور اسحاق ڈار الگ الگ لوٹن ایئر پورٹ پہنچیں گے ، ن لیگی رہنما اسحاق ڈار پاکستان پہنچ کر سینیٹر اور وزیرِ خزانہ کے عہدوں کے حلف اٹھائیں گے، اسحاق ڈار گزشتہ 5 برس سے لندن میں خود ساختہ جلا وطنی کی زندگی بسر کر رہے تھے

اسحاق ڈار پاکستان روانگی کے لیے ائیر پورٹ روانہ pic.twitter.com/0BspJbMv0n

— Baaghi TV باغی ٹی وی (@BaaghiTV) September 26, 2022

سابق وزیرِ خزانہ اسحاق ڈار نے اس موقع پر نجی ٹی وی چینل جیو سے گفتگو کرتے ہوئے کہا کہ جہاں سے سفر ختم ہوا، وہیں سے آغاز کر رہے ہیں پاکستان 4 سال سے جس بھنورسے گزرا ہے وہ کسی سے ڈھکا چھپا نہیں، اللّٰہ تعالیٰ کا خاص کرم ہے، جس دفتر سے نکل کر اپنے میڈیکل کے لیے یہاں آیا تھا، آج اسی دفتر میں اللّٰہ تعالیٰ نے واپس بلوایا ہے

واضح رہے کہ گزشتہ روز اسحاق ڈار کی پاکستان واپسی کا حتمی فیصلہ ہوا تھا، جس کے بعد مفتاح اسماعیل نے وزارت خزانہ سے استعفیٰ دے دیا ہے، اسحاق ڈار پاکستان پہنچ کر وزارت خزانہ کا حلف اٹھائیں گے،