ھ
گورنر پنجاب کی سی ای او کلب میں تقریب میں شرکت اور میڈیا سے گفتگو گورنر پنجاب چوہدری محمد سرور نے کہا کہ بزنس کمیونٹی کے مسائل حل کرنے کے لیے میں 24 گھنٹے حاظر رہتا ہوں ۔ برطانیہ میں بھی لوگ پوچھتے تھے کہ آپ بزنس کمیونٹی کے سپوکس مین کیوں لگتے ہیں۔
بزنس کمیونٹی کسی بھی ملک میں خوشحالی کی بنیادی وجہ ہوتی ہے۔ اللہ تعالی سے دعا کی کے جو خواب اقبال نے دیکھا ہم اسکی تعبیر کر سکیں۔
اللہ تعالی نے پاکستان کو ہر نعمت سے نوازا ہے صرف مینجمنٹ کی ضرورت ہے۔
ہمارا ایگریکلچر سیکٹر بزنس کمیونٹی سے جڑا ہوا ہے۔ مل جل کر اگر پلاننگ سے کام کیا جائے تو تمام شعبوں میں بیک وقت کامیابی حاصل کہ جا سکتی ہے۔ جی ایس پی پلس کے حصول کے لیے محنت کرنے سے پاکستان کو بیس بلین ڈالر کا فائدہ ہوا۔
پی ٹی آئی کی حکومت نے انڈسٹری کو بزنس میں آسانی کے لیے انرجی میں سبسڈی دی۔
لانگ ٹرم پالیسیاں بنانا آسان نہیں ہوتا عوام فوری حل چاہتے ہیں۔ کووڈ کے دوران پاکستانیوں نے ثابت کیا کے ہمارا ہمسایہ بھوکا نہیں سوئے گا۔وزیر اعظم عمران خان نے سیاست سے بالا تر ہو کر صرف غریب کا سوچا۔ غریب اور مستحق لوگوں کی دعائیں تھیں جو خدا نے بہت بڑے بحران سے محفوظ رکھا۔
بزنس کمیونٹی نے نہ صرف کورونا بچاو کے حفاظتی سامان کی ضرورت پوری کی بلکہ ملک سے باہر بھی ایکسپورٹ کیا۔
