صوفیانہ کلام میں منفرد انداز کی بدولت شہرت رکھنے والے صدارتی تمغہ یافتہ لوک گلوکار الن فقیرکو مداحوں سے بچھڑے 20 برس بیت گئے۔
باغی ٹی وی : سندھ کا روایتی لباس پہن کر منفرد انداز میں صوفیانہ کلام پیش کرنے والے الن فقیر اندرون سندھ کے گاؤں آمری میں پید اہوئے علن فقیر کا تعلق منگراچی قبیلے سے تھا، ان کی گائیکی کے چرچے اندورن سندھ میں تو پہلے ہی تھے مگر گلوکار محمد علی شہکی کے ساتھ گیت نے ان کی شہرت کوعروج پر پہنچا دیا۔
برزگان دین سے خاص محبت کے سبب علن فقیر نے مشہور صوفی بزرگ شاہ عبدالطیف بھٹائی کے مزار پر رہائش اختیار کرلی، ان کے شوق کو دیکھتے ہوئے دوستوں نے باقاعدہ گانے کا مشورہ دیا۔
علن فقیر کو صوفیانہ اور لوک موسیقی کے حوالے سے ان کی خدمات پر حکومت پاکستان نے انہیں 1980 میں صدارتی تمغہ برائے حسن کارکردگی سے نوازا۔ انہوں نے شاہ عبدالطیف ایوارڈ شہباز اور کندھ کوٹ ایوارڈز بھی حاصل کیے۔ علن فقیر 4 جولائی 2000 کو کراچی کے مقامی اسپتال میں انتقال کرگئے۔
Leave a reply
