کراچی:شہرقائد میں آج ہونے والے ضمنی انتخابات میں میں ٹی ایل پی نے کہا ہے کہ فارم 45 وقت سے پہلے ہی جاری کردیئے گئے ہیں اورزبردستی دستخط لیے جارہے ہیں
اطلاعات کے مطابق کراچی کے حلقہ این اے 245 میں ہونے والے آج ضمنی انتخاب میں تحریک لبیک پاکستان کی طرف سے اس بات کی شکایات سامنے آئی ہین کہ ہمارے ایجنٹوں سے زبردستی قبل ازوقت فارم 45 پر دستخط کروا لیئے گئے ہیں
اپنے دعوے میں ٹی ایل پی کا کہنا تھا کہ عرفان گورنمنٹ اسکول پولنگ اسٹیشن پر ہمارے ایجنٹ سے دھمکی دے کرزبردستی دستخط کروائے گئے
ایسے ہی سی ڈی جی اسکول میں قائم پولنگ اسٹیشن پر بھی ہمارے ایجنٹ سےدھمکی دے کرزبردستی دستخط کروائے گئے ہیں ، ٹی ایل پی کی طرف سے کہا گیا ہے کہ قبل از وقت دستخط کروانا الیکشن کمیشن آف پاکستان کے رہنما اصولون کے خلاف ہے
پولنگ کے دوران ایک وقت ایسا بھی آیا کہ سولجر بازار میں پی ٹی آئی،ایم کیو ایم پاکستان اور ٹی ایل پی کے کارکنان کی ایک دوسرے کے خلاف شدید نعرے بازی کچھ دیر پہلے سولجر بازار عرفان گورنمنٹ اسکول میں پریزائڈنگ افسر کی جانب سے فارم 45 سائن کرانے پر پولنگ معطل کردی گئی
کراچی میں پریس کانفرنس کرتے ہوئے ٹی ایل پی کے رہنما قاسم فخری نے کہا کہ ہمارے حق کو چھیننے کے لیے مختلف حربے استعمال کیے جا رہے ہیں.ان کا کہنا تھا کہ ہمارے پولنگ ایجنٹس سے فارم 45 پر زبردستی دستخط لیے جارہے ہیں۔
مفتی قاسم فخری نے کہا کہ جن علاقوں میں ہمارے ووٹ زیادہ تھے وہاں رکاوٹیں ڈالی گئیں، پولنگ مکمل ہونے سے قبل فارم 45 پر دستخط کھلی دھاندلی ہے۔ٹی ایل پی رہنما کا کہنا تھا کہ ہمارا مطالبہ ہے پولنگ ایک گھنٹے بڑھائی جائے۔
تحریک لبیک کی طرف سے کہاگیا ہے کہ جہاں ان کے ووٹوں کی تعداد زیادہ ہے وہاں وہاں ان کے ووٹرز کو ووٹ کاسٹ کرنے میں رکاوٹیں کھڑی کی گئیں
تحریک لبیک پاکستان نے الیکشن کمیشن آف پاکستان سے درخواست کی ہے کہ وہ اس اس اعلانیہ دھاندلی کے خلاف ایکشن لے اور قانونی کارروائی کرے
