بجلی کےساتھ ساتھ گیس کی لوڈشیڈنگ بھی جاری:شارٹ فال 1200ایم ایم سی ایف ڈی سےبڑھ گیا

اسلام آباد: شارٹ فال 1200 ایم ایم سی ایف ڈی سے بڑھ گیا ،اطلاعات کے مطابق ملک مییں ایک طرف بجلی کی لوڈ شیڈنگ جاری ہے تو دوسری طرف سردی کی شدت میں اضافے سے گیس کی طلب بڑھ گئی،ڈیمانڈ زیادہ اور سپلائی کم ہونے کے باعث لوڈ مینیجمنٹ پرعملدرآمد محال ہوگیا، ملک کے کئی علاقوں میں گیس لوڈشیڈنگ مجبوری بن گئی۔

ملک میں گیس کی طلب 3600 ایم ایم سی ایف ڈی ہوچکی ہے اور دستیابی 2400 ایم ایم سی ایف ڈی ہے۔سوئی سدرن گیس کمپنی کی طلب 1250 جبکہ رسد 900 ایم ایم سی ایف ڈی ہے، سوئی نادرن گیس کمپنی کی طلب 2300 اور رسد 1500 ایم ایم سی ایف ڈی ہے۔

جڑواں شہروں میں گیس کی طلب 180 ایم ایم سی ایف ڈی اور رسد صرف 80 ایم ایم سی ایف ڈی ہے، اس طرح راولپنڈی اسلام آباد میں گیس کا شارٹ فال 100 ایم ایم سی ایف ڈی تک پہنچ چکا ہے۔

ادھر کل واپڈا کی طرف کہا تھاکہ ملک میں پن بجلی کی پیداوار میں ریکارڈ کمی، تربیلا ڈیم میں بجلی پیدا کرنے والے 15 یونٹ بند ہو گئے، 10 ہزار میگاواٹ پن بجلی میں سے صرف 500 میگاواٹ بجلی پیدا ہو رہی ہے، تربیلا ڈیم میں بجلی کی پیداوار 325 میگاواٹ رہ گئی۔

گوجرہ:جعلی ایس ایچ او کے خلاف قانون حرکت میں آگیا

ذرائع پاور ڈویژن کے مطابق تربیلا ڈیم میں صرف 2 پاور یونٹ بجلی پیدا کررہے ہیں، تربیلا ٹی فور سے بھی بجلی کی پیداوار نہیں ہو رہی، منگلا ڈیم سے بھی بجلی کی پیدارو بند، 10 ہزار میگاواٹ پن بجلی میں سے صرف 500 میگاواٹ بجلی پیدا ہو رہی ہے، بجلی کا شارٹ فال 3228 میگاواٹ ہے۔

ڈی آئی خان : آر پی او کا کرسمس کی سیکیورٹی کا جائزہ لینے کیلئے گرجا گھروں کا دورہ

ذرائع کا کہنا ہے کہ بجلی کی مجموعی پیداوار 8 ہزار 772 میگاواٹ جبکہ بجلی کی طلب 12 ہزار میگاواٹ ریکارڈ کی گئی ہے، سرکاری تھرمل پاور پلانٹ سے 1200 میگاواٹ بجلی پیدا ہو رہی ہے، نجی شعبے کے بجلی گھروں کی پیداوار 5 ہزار میگاواٹ ہے، شمسی توانائی سے 30 میگاواٹ اور بگاس سے 42 میگاواٹ بجلی پیدا ہو رہی ہے۔

ذرائع پاور ڈویژن کا مزید کہنا ہے کہ نیوکلیئر پاور پلانٹس 2 ہزار میگاواٹ بجلی پیدا کررہے ہیں، ملک بھر میں 4 گھنٹے تک بجلی کی لوڈشڈنگ جاری ہے، گیس سپلائی کم ہونے کے باعث بجلی کی طلب میں اضافہ ہو رہا ہے جبکہ بجلی کی طلب بڑھنے سے بجلی کے شارٹ فام میں مزید اضافے کا خدشہ ہے۔