کوریائی سفیرکی پاک فضائیہ کے سربراہ سے اہم ملاقات

راولپنڈی:کوریائی سفیرکی پاک فضائیہ کے سربراہ سے اہم ملاقات ،اطلاعات کے مطابق جمہوریہ کوریا کے سفیر H.E. مسٹر ایس ایچ سانگپیو نے آج پاک فضائیہ کے پاک فضائیہ کے سربراہ ایئر چیف مارشل ظہیر احمد بابر سدھو سے اپنے دفتر میں ملاقات کی۔

کوریائی سفیر نے پی اے ایف کے اہلکاروں کی پیشہ ورانہ مہارت اور پی اے ایف کی طرف سے گذشتہ سالوں میں بالخصوص دیسی ساخت کے ذریعے ہونے والی غیر معمولی پیشرفت کو سراہا۔

ایئر چیف نے اس بات پر روشنی ڈالی کہ دونوں ممالک خوشگوار تعلقات بہتراندازسے مضبوط ہورہے ہیں اور دونوں ممالک کی فضائیہ کے مابین موجودہ دوطرفہ تعاون کو مزید فروغ دینے کے عزم کا اعادہ کیا۔

کوریائی سفیر اورپاک فضائیہ کے سربراہ کے درمیان ہونے والی ملاقات کے دوران باہمی دلچسپی اور پیشہ ورانہ تعاون کے مختلف امور بھی زیربحث آئے۔