امیر قطر ایئرویز کی خصوصی پرواز کے ذریعے واپس روانہ

شیخ تمیم بن حمد الثانی نور خان ایئربیس سے قطر ایئرویز کی خصوصی پرواز کے ذریعے واپس روانہ ہوئے۔

تفصیلات کے مطابق شیخ تمیم بن حمد الثانی نور خان ایئربیس سے قطر ایئرویز کی خصوصی پرواز کے ذریعے واپس روانہ ہوگئے۔
قبل ازیں امیر قطر شیخ تمیم بن حمد الثانی کو صدر مملکت ڈاکٹر عارف علوی نے پاکستان کے سب سے بڑے سول اعزاز ‘نشان پاکستان’ سے نوازا تھا۔

امیر قطر اپنے وقد کے ہمراہ ایوان صدر پہنچے جہاں صدر مملکت ڈاکٹر عارف علوی نے ان کا استقبال کیا۔

ایوان صدر میں منعقدہ تقریب کے دوران اسپیکر قومی اسمبلی اسد قیصر، چیئرمین سینیٹ صادق سنجرانی، گورنر پنجاب چوہدری محمد سرور، وفاقی وزیر ریلوے شیخ رشید احمد سمیت دیگر وزرا، اعلیٰ سول و فوجی حکام شریک ہوئے۔

خیال رہے کہ گزشتہ روز امیر قطر شیخ تمیم بن حمد الثانی 2 روزہ دورے پر اپنے وفد کے ہمراہ پاکستان پہنچے تھے۔