سعد فاروق
امریکہ نے غیر قانونی طور پر مقیم بھارتی شہریوں کو سخت انتباہ جاری کرتے ہوئے کہا ہے کہ ویزا کی مدت ختم ہونے کے باوجود قیام کرنے والوں کو ملک بدر کر دیا جائے گا اور مستقبل میں امریکہ کا سفر کرنے پر مستقل پابندی بھی عائد کی جا سکتی ہے۔
باغی ٹی وی کے مطابق امریکی سفارتخانے کی جانب سے جاری بیان میں واضح کیا گیا ہے کہ امریکی قوانین کی خلاف ورزی کسی صورت برداشت نہیں کی جائے گی۔امریکہ میں اس وقت تقریباً 7 لاکھ 25 ہزار بھارتی شہری غیر قانونی طور پر مقیم ہیں، جن کی تعداد میں مسلسل اضافہ دیکھا جا رہا ہے۔ سرکاری اعداد و شمار کے مطابق صرف 2023 میں 51 ہزار بھارتی شہریوں نے امریکہ میں پناہ کی درخواست دی، جو گزشتہ پانچ سال کے مقابلے میں 470 فیصد اضافہ ہے۔
امریکی حکام کے مطابق غیر قانونی طور پر مقیم افراد کے خلاف کارروائیاں جاری ہیں، اور بھارت سے تعلق رکھنے والے ہزاروں شہریوں کو ملک بدر کیا جا چکا ہے۔ اس تناظر میں نئی ہدایات جاری کی گئی ہیں تاکہ مستقبل میں ایسی خلاف ورزیاں روکی جا سکیں۔دوسری جانب بھارت میں معاشی بدحالی اور بے روزگاری کے باعث نوجوانوں کی بڑی تعداد امریکہ سمیت دیگر ممالک کی جانب ہجرت کر رہی ہے۔
اپریل 2025 میں بھارت میں بے روزگاری کی شرح 5.1 فیصد تک جا پہنچی، جب کہ شہری علاقوں میں یہ شرح 6.5 فیصد ریکارڈ کی گئی۔ ماہرین کے مطابق نوجوان طبقہ سب سے زیادہ متاثر ہو رہا ہے، جس کی وجہ سے امریکہ کی جانب ہجرت میں خطرناک حد تک اضافہ ہو چکا ہے۔تجزیہ کاروں کا کہنا ہے کہ وزیراعظم نریندر مودی کی حکومت میں بڑھتی ہوئی معاشی مشکلات اور روزگار کے مواقع کی کمی، بھارتی نوجوانوں کو بیرونِ ملک غیر قانونی راستے اپنانے پر مجبور کر رہی ہے، جو مستقبل میں ان کے لیے سنگین نتائج کا سبب بن سکتی ہے۔
پی ایس ایل 10، پاک فوج کو شاندار خراجِ تحسین، آرمی چیف اسٹیڈیم میں موجود
کانگریس کا وزیر خارجہ ایس جے شنکر سے استعفے کا مطالبہ، سوشل میڈیا پر تنقید
شہباز شریف اور ایرانی صدر کے درمیان ٹیلیفونک رابطہ، دوطرفہ تعاون بڑھانے پر اتفاق
کراچی کنگز کا پشاور زلمی کو جیت کے لیے 238 رنز کا بڑا ہدف
ملک شدید گرمی کی لپیٹ میں، سبی 50 ڈگری کے ساتھ گرم ترین شہر قرار
