امریکا کا سوات میں ہجوم کے تشدد سے ہلاکت کے واقعے پر اظہار افسوس

واشنگٹن: امریکا نے سوات میں ہجوم کے تشدد سے ہلاکت کے واقعے پر افسوس کا اظہار کیا ہے۔

واشنگٹن میں پریس بریفنگ میں امریکی محکمہ خارجہ کے ترجمان میتھیو ملر نے کہا کہ مذہبی طور پر تشدد کے واقعات پر تشویش ہےمذہبی آزادی، اظہار رائے کی آزادی اور پرامن اجتماع کے حق کا احترام کیا جائے، دہشتگردی سے نمٹنے کیلئے پاکستان کی کوششوں کی حمایت کرتے ہیں، ایسے اقدامات کی حمایت کرتے ہیں جن سے قانون کی حکمرانی اور انسانی حقوق کے تحفظ کو فروغ ملے،سکیورٹی معاملات پر پاک امریکا شراکت داری میں دہشت گردی کے خلاف بات چیت اور فنڈز کی فراہمی شامل ہے۔

واضح رہے کہ 20 جون کو سوات کے علاقے مدین میں قرآن کی بے حرمتی کے الزام میں ایک سیاح کو تشدد کا نشانہ بنا کر اسے جلا ڈالا تھا، پولیس کے مطابق واقعے میں ملوث 23 افراد کو گرفتار کر کے نامعلوم مقام پر منتقل کیا گیا ہے۔

پاکستان ریلوے کا 7 سال بعد آزادی ٹرین چلانے کا فیصلہ

لوک سبھا میں 10 سالوں سے خالی اپوزیشن لیڈر کا عہدہ راہول گاندھی کو مل …

ایپکس کمیٹی کے فیصلوں پر من و عن عملدرآمد کیا جائے گا،وزیر داخلہ بلوچستان