سپر 8 راؤنڈ: انگلینڈ نے امریکا کو 10 وکٹوں سے شکست دیدی
بارباڈوس: ٹی 20 ورلڈ کپ سپر ایٹ مرحلے کے میچ میں امریکا کی انگلینڈ کیخلاف بیٹنگ جاری ہے-
دونوں ٹیمیں بارباڈوس کے کینسنگٹن اوول اسٹیڈیم میں مدمقابل ہیں، میچ کا آغاز پاکستانی وقت کے مطابق شام 7 بجکر 30 منٹ پر ہوا ، انگلینڈ نے ٹاس جیت کر امریکہ کو بیٹنگ کی دعوت دی – امریکہ کی ٹیم نے 6 اوورز میں48 رنز بنائے ہیں جبکہ اس کے 2 کھلاڑی آؤٹ ہوچکے ہیں،سٹیون ٹیلر12 جبکہ غوث 8 رنز بناکر آؤٹ ہوئے۔
امریکا کی ٹیم انگلینڈ کیخلاف پورے 20 اوورز بھی نہ کھیل سکی اور 18.5 اوورز میں 115 رنز بناکر آل آؤٹ ہوگئی امریکا کی طرف سے نتیش کمار 30کورے اینڈرسن 29 اور ہرمیت سنگھ 21 رنز کے ساتھ نمایاں رہے، اسٹیون ٹیلر 12، اینڈریس گوس 8، ملند کمار 4 رنز بناکر آؤٹ ہوئے-
انگلینڈ کی طرف سے کرس جورڈن نے 19 ویں اوور میں 4 وکٹیں حاصل کیں جس میں ہیٹرک بھی شامل تھی سیم کرن اور عادل رشید نے 2، 2، لیام لیونگسٹون اور ریس ٹوپلے نے ایک، ایک وکٹ حاصل کی۔
انگلینڈ نے امریکا کا 116 رنز کا ہدف 9.4 اوورز میں بغیر کسی نقصان کے پورا کرلیا جوز بٹلر نے 38 گیندوں پر 83 کی دھواں دھار اننگز کھیلی جس میں سات چھکے اور 6 چوکے شامل تھے جبکہ فل سالٹ نے 21 گیندوں کی مدد سے 25 رنز بنائے۔
سپر ایٹ راؤنڈ میں امریکا اور انگلینڈ اپنے دو، دو میچز کھیل چکے ہیں انگلینڈ کو اپنے پہلے میچ میں ویسٹ انڈیز کیخلاف کامیابی ملی تھی جبکہ دوسرے میچ میں جنوبی افریقا سے شکست کا سامنا کرنا پڑا تھا امریکا کو سپر ایٹ مرحلے کے اپنے دونوں میچز میں شکست ہوئی، پہلے میچ میں جنوبی افریقا نے 18 رنز جبکہ دوسرے میچ میں ویسٹ انڈیز نے 9 وکٹوں سے شکست دی تھی۔
Leave a reply
