امریکہ ، ایران کشیدگی ، متحدہ وحدت مسلمین نے کل مظاہرے کا اعلان کردیا

لاہور:امریکہ ، ایران کشیدگی ، متحدہ وحدت مسلمین نے کل مظاہرے کا اعلان کردیا،اطلاعات کےمطابق امریکہ وایران میں جاری کشیدگی پر متحدہ وحدت مسلمین سمیت دیگر شیعہ تنظیموں کی جانب سے امریکن سنٹربلمقابل لاہور پریس کلب کے سامنے مظاہرے کی کال دے دی ،

باغی ٹی وی کے ذرائع کےمطابق کل کے مظاہرے کے باعث پولیس و ضلعی انتظامیہ کی جانب سے لاہور پریس کلب کو آنے والے تمام راستے بشمول ڈیوس روڈ ، ایجرٹن روڈ، ایمپریس روڈ، ایبٹ روڈ ودیگرروڈز اور علاقہ کو کنٹینرزکے ذریعے ہفتہ کی رات 12.00بجے مکمل طور پر بلاک کردیاجائے گا

ضلعی حکومت کے مطابق اتوارکی رات 12:00 بجے تک رہے گی ۔ اس دوران لاہورپریس کلب کے اردگرد کا تمام علاقہ سیل ہونے کے باعث کلب میں بھی آمدورفت ناممکن ہوگی لہذا لاہور پریس کلب اتوار کے رو ز مکمل طور پر بند رہے گا۔