امریکی اعلان کے بعد یورپی یونین نے بھی امریکی مصنوعات پر عائد ٹیرف 90 روز کیلئے موخر کردیا گیا۔
غیر ملکی میڈیا کی رپورٹ کے مطابق یورپی کمیشن کی صدر ارشولا وان ڈر لاین نے کہا کہ یورپی کمیشن، جو 27 رکن ممالک کے لیے تجارت کا انتظام کرتا ہے نے صدر ٹرمپ کے اعلان کا نوٹس لیا ہے۔”امریکی صدر ڈونلڈ ٹرمپ کے ٹیرف کو 90 دنوں کیلئے موخر کرنے کے اعلان کے بعد یورپی یونین کی ایگزیکٹو کمیشن نے اعلان کیا کہ وہ امریکی محصولات کے جواب میں 90 دن کے لیے اپنی جوابی ٹیرف کو روک رہے ہیں ۔
انہوں نے کہا کہ امریکی مصنوعات پر 20.9 ارب یورو (23 ارب ڈالر) کے نئے محصولات 90 دن کے لیے روک دیے جائیں گے کیونکہ "ہم مذاکرات کے لیے موقع دینا چاہتے ہیں۔انہوں نے خبردار کیا کہ "اگر مذاکرات کا نتیجہ تسلی بخش نہیں ہوا تو ہماری جوابی کارروائیاں شروع ہو جائیں گی۔”
خیال رہے کہ امریکی صدر ڈونلڈ ٹرمپ نے یورپی یونین کی مصنوعات پر 20 فیصد محصولات عائد کیے تھے، تاہم بدھ کو انہوں نے اعلان کیاہے کہ وہ انہیں 90 دن کے لیے روک دیں گے تاکہ ممالک کو امریکی تجارتی خدشات کے حل کے لیے مذاکرات کا موقع مل سکے۔
ٹیرف میں اضافہ، ایپل نے لاکھوں آئی فون بھارت سے نکال لیے
کراچی، پراسیسنگ زون کی فیکٹری میں آگ لگ گئی ، ریسکیو آپریشن جاری
ٹرمپ کا دورۂ سعودی عرب ، تیاری کیلئے سعودی وزیر خارجہ امریکہ پہنچ گئے
