پاکستان شوبز انڈسٹری کی معروف ماڈل و اداکارہ آمنہ الیاس نے منہ پر آٹا لگا کر اپنے مداحوں کے لیے سوشل میڈیا پر ایک خصوصی پیغام جاری کیا ہے-
باغی ٹی وی: گہری رنگت اور گورر رنگ کرنے والی کریموں کے حوالے سے ہمیشہ آواز بلند کرنے والی اداکارہ آمنہ الیاس نے اس بار منفرد انداز اپناتے ہوئے مختلف کریموں کے استعمال سےرنگ گورا کرنے کی خواہش رکھنے والوں کو پیغام دیا ہے کہ وہ گہری رنگت کی وجہ سے احساس کمتری کا شکار نہ ہوں اور رنگ تبدیل کرنے کے بجائے خود کو پہچانیں۔
سماجی رابطے کی ویب سائٹ انسٹاگرام پر آمنہ الیاس نے ایک ویڈیو شیئر کی ہے جس میں وہ کہتی نظر آ رہی ہیں کہ میں آمنہ الیاس آپ میری کامیابی کی وجہ جاننا چاہتے ہیں؟ اس کے بعد انہوں نے اپنے منہ پر آٹا لگایا اور کہا کہ اب کریں گے میرے مداح میرا انتخاب، خدا کے لیے پہچانو خود کو۔
https://www.instagram.com/p/CGK5subH5Lj/
ویڈیو شئیر کرتے ہوئے کیپشن میں ماڈل نے لکھا کہ میرا گورا بننے کا سپنا سچ ہوا مجھے سالگرہ مبارک ہو-
اس سے قبل اداکارہ آمنہ الیاس نے سماجی رابطے کی ویب سائٹ ٹوئٹر پر اپنی ٹویٹ میں ساتھی اداکاراؤں پر برہمی کا اظہار کرتے ہوئے لکھا تھا کہ انڈسٹری سے وابستہ میری کچھ ساتھی اداکارائیں پیسوں کی خاطر ایک عرصے سے رنگ گورا کرنے والی کریم کی تشہیر کر رہی ہیں۔
My fellow colleagues inthe industry,time fr promoting fairness creams fr the sake of money n greed has long passed.Our influence as public figures is meant to make othrs feel beautiful,not less beautiful.Shame on evryone,who still subscribes tothis way of thinking! #endcolourism
— AMNA ILYAS (@IlyasAmna) October 6, 2020
انہوں نے کہا تھا کہ عوامی شخصیت ہونے کے ناطے ہمارا یہ کام ہے کہ ہم دوسرے کو اس کی خوبصورتی کا احساس کرائیں نہ کہ اسے شرمندہ کریں کہ وہ خوبصورت نہیں ساتھ ہی انہوں نے یہ بھی کہا تھا کہ اس طرح کی فکر کو پروان چڑھانے والوں کو شرم آنی چاہے۔
آمنہ الیاس نے اپنی ٹوئٹ میں ہیش ٹیگ اینڈ کلرازم یعنی رنگت کے فرق کا خاتمہ بھی استعمال کیا تھا-
اس سے قبل آمنہ الیاس نے سوشل میڈیا پر اپنی گہری رنگت کے حوالے سے ایک اہم پیغام جاری کیا تھا انہوں نے کہا تھا کہ میری گہری رنگت مجھے ناکام نہیں کرسکتی اور نہ ہی مجھے میرے کسی بھی مقصد میں گرا سکے گی۔
https://www.instagram.com/p/CFw5T7YBr_P/
آمنہ الیاس نے کہا تھا کہ میری جلد چاہے جیسی بھی ہو مجھے اس سے کوئی فرق نہیں پڑتا میں اپنے مقاصد کو حاصل کرنے کے لیے ہر ممکن کوشش کروں گی اور اُنہیں حاصل کرکے رہوں گی-
دوسری جانب گزشتہ روز موسمیاتی تبدیلی کی وزیر مملکت ، زرتاج گل نے انکشاف کیا تھا کہ پاکستان میں رنگ گورا کرنے کی 57 مصنوعات جن میں کچھ بین الاقوامی برانڈز شامل ہیں میں کینسر پیدا کرنے والے عناصر شامل ہیں۔
گل نے کہا تھا کہ رنگت گورا کرنے والی مصنوعات کے تیار کنندگان کو مشورہ دیا گیا ہے کہ وہ سال 2020 کے آخر تک مصنوعات سے پارہ یعنی مرکری کی سطح کو 1pbm تک کم کرے۔
زرتاج گُل نے بتایا کہ حکومت جلد کی مصنوعات میں پارے اور دیگر نقصان دہ مادوں کے استعمال کو کنٹرول کرنے کی کوشش کر رہی ہے۔ انہوں نے میڈیا پر بھی زور دیا کہ وہ رنگ گورا کرنے والی مصنوعات سے متعلق گمراہ کن اشتہاروں کی حوصلہ شکنی کریں۔
زرتاج گل نے مزید کہا تھا کہ رنگ گورا والی کریموں میں پارے کی ضرورت سے زیادہ مقدار خطرناک ہے۔ عالمی ماحولیاتی سہولت (جی ای ایف) حکومت کو مالی اعانت فراہم کررہی ہے تاکہ انسانی صحت اور ماحولیات کو مرکری اورمرکری کےمرکبات سے بچایا جاسکے۔
رنگ چٹا کرنے والی ہر وہ کریم جس میں پارے کی مقدار خطرناک شرح تک ہے، اس کے خلاف میری وزارت ایکشن لے رہی ہے، لائحہ عمل تیار کیا جا چکا ہے۔ ایسی ہر کریم کا غیر مناسب پرچار نہ صرف معاشرتی گراوٹ اور کم خود اعتمادی کا باعث ہے، بلکہ انسانی صحت کے لئے بھی انتہائی مضر ہے۔ pic.twitter.com/V8oBrygRg1
— Zartaj Gul Wazir (@zartajgulwazir) October 9, 2020
سماجی رابطے کی ویب سائٹ ٹوئٹر پر بھی اپنے ٹوئٹ میں زرتاج گُل نے بتایا کہ رنگ چٹا کرنے والی ہر وہ کریم جس میں پارے کی مقدار خطرناک شرح تک ہے، اس کے خلاف میری وزارت ایکشن لے رہی ہے، لائحہ عمل تیار کیا جا چکا ہے۔ ایسی ہر کریم کا غیر مناسب پرچار نہ صرف معاشرتی گراوٹ اور کم خود اعتمادی کا باعث ہے، بلکہ انسانی صحت کے لئے بھی انتہائی مضر ہے۔
