عامر خان کا بابری مسجد پر فلم بنانے کا اعلان

ممبئی: بالی ووڈ کے مسٹر پرفیکشنسٹ عامر خان نے بابری مسجد کی شہادت پر فلم ’لعل سنگھ چڈھا‘ بنانے کا اعلان کردیا ہے۔

بھارتی میڈیا کے مطابق عامر خان نے اپنی اگلی سالگرہ کے موقع پر اپنی نئی فلم کا اعلان کرتے ہوئے کہا کہ میری آنے والی فلم کا نام ’لعل سنگھ چڈھا‘ ہے جوکہ امریکن فلم ’فارسٹ گمپ‘ سے متاثر ہو کر بنائی جائے گی، فلم کو عامر خان اور ویاکوم 18 کی پروڈکشن میں بنائی جائے گی جب کہ فلم میں ایڈوت چندن ہدایت کاری کے فرائض انجام دیں گے۔

فلم ریلئیٹی کی بنیاد پر بنائی جا رہی ہے اور اس میں تاریخی حوالہ دکھایا جائے گا کیوں کہ اس فلم میں شہید بابری مسجد سے لے کر بھارت کے مودی سرکار کی حکومت میں ہونے والے اقدام دکھائے جائیں گے جب کہ  دنیا دیکھے گی کہ گزشتہ چند سال میں بھارت میں کیا ہوا۔

یاد رہے کہ فلم ’ لعل سنگھ چڈھا‘ میں عامر خان ایک سکھ کا کردار ادا کریں گے اور ان کے مد مقابل کرینہ کپور مرکزی کردار میں نظر آئیں گی۔ فلم سال 2020ء کے دسمبر میں ریلیز کی جائے گی۔