عامر لیاقت نے منصور علی خان کے شو میں آیات غلط تلاوت کر دیں

مذہبی سکالر اور اینکر پرسن ڈاکٹر عامر لیاقت منصور علی خان کے شو میں قرآن آیات غلط تلاوت کر دیں

باغی ٹی وی : گذشتہ روز نجی ٹی وی چینل ایکسپریس اینکر منصور علی خان کے شو ٹو دی پوائنٹ میں عامر لیاقت شامل ہوئےانہوں نے خلیل الرحمن کے ماروی سرمد کے بارے میں رد عمل گفتگو کے دوران دلیل کے طور پر قرآن پاک کی تیسویں پارے کی سورۃ التین کی چند آ یات کی تلاوت کی تھی جس میں انہوں نے سورت کی چوتھی آیت غلط پڑھ ڈالی

عامر لیاقت منصور علی خان کے شو میں بغیر تیاری کئے پہنچ گئے اور خلیل الرحمن پر تنقید کرنے میں اتنے گم تھے اور شاید اپنے غم اور غصے کی وجہ سے قرآن پاک کی آیات غلط پڑھ ڈالیں

مشہور عالم دین اور معروف مذہبی سکالر نےسورت التین کی آیت نمبر چار، لقد خلقنا الانسان فی احسن تقویم، پڑھنے کی بجائے مذہبی سکالر نے ،بالاحسن تقویم، پڑھ ڈالا

عورتوں کے حقوق کے علمبردار اور دوسروں کی چھوٹی سے چھوٹی بات کو نوٹ کر کے ان کو بحث میں آڑے ہاتھوں لینے والے منصور علی اوراداکارہ ریشم بھی عامر لیاقت کی اس غلطی کی اصلاح نہیں کر سکیں

واضح رہے کہ ڈاکٹر عامرلیاقت نے منصور علی خان کے پروگرام میں کہا تھاکہ خلیل الرحمن قمر کے تبصرے انتہائی گھٹیا بیہودہ اور عقل سے ماورا ہیں کل تک میں سمجھ رہاتھا کہ یہ ایک بد تمیز آدمی ہیں لیکن انھیں دماغی علاج کی ضرورت ہے یہ خود پرستی اور شخصیت پرستی کے سراب میں مبتلاہیں

عامر لیاقت نے قرآن پاک کی کچھ آیات بھی پڑھیں تھیں سورۃ التین کی آیات پڑھیں اور اسکا ترجمہ بتایا تھا کہ اللہ تعالی نے ہر انسان کو احسن تقویم پر بنایا ہے اللہ تعالی کی ہر تخلیق خوبصورت ہے اللہ کی کسی تخلیق کو بد صورت کہنا کسی بھی ایسے شخص کا نہ منصب ہے نہ تقاضا ہے کہ وہ کسی کی شکل اور جسم پر کسی کے رنگ پر یا کسی کے عادات و اطوار پر کوئی کسی طرح کی بات کر سکے