آمنہ الیاس نے اپنے کس کردار کو یادگار کہہ دیا ؟

اداکارہ و ماڈل آمنہ الیاس نے اپنے ایک حالیہ انٹرویو میں کہا ہے کہ میں‌ڈرامہ سیریل دو بوند پانی میں‌کام کررہی ہوں اور اس میں جو میرا کردار ہے وہ میرے کیرئیر کا یادگار ترین کردار ہے. اس میں جو ڈائیلاگز ہیں وہ روٹین سے ہٹ کر ہیں ، موضوع بہت الگ ہے. انہوں نے مزید کہا کہ سنیگتا میڈم اس ڈرامے کی ڈائریکٹر ہیں انہوں نے تمام فنکاروں سے بہت محنت اور اچھے سے کام لیا ہے. پانی صرف پاکستان کا ہی نہیں‌پوری دنیا کا مسئلہ ہے لیکن ہاکستان کے لئے بڑا مسئلہ اس لئے ہے کیونکہ ہمارے پاس ڈیمز نہیں ہیں، انہوں نے یہ بھی کہا کہ آنے والے وقتوں میں دنیا کی جنگیں کسی اور بات پر نہیں بلکہ کھانے اور پانی پر ہوں گی. ہماری حکومتوں کو چاہیے کہ وہ ڈیمز بنانے پر توجہ دیں پانی کو محفوظ کریں.

حکومت کے ساتھ ساتھ انہوں نے فیوڈلز سے بھی التجاء کی اور کہا کہ خدارا زمینوں پر جو آپ نے قبضے کر رکھے ہیں ان کو چھوڑ دیں ڈیمز بننے دیں. آمنہ الیاس نے کہا کہ ہم نے جب یہ ڈرامہ شوٹ کرنا شروع کیا تھا تو گرمی کا موسم تھا اور سخت گرمی میں بہاولپور جا کر شوٹنگ کی اور اب سردی کا موسم آچکا ہے. ڈرامے کی شوٹنگ اختتام پذیر ہونے والی ہے. مجھے امید ہے کہ شائقین اس ڈرامے کو ضرور پسند کریں گے.