امریکہ میں جعلی آپریشن پر سزا یافتہ سرجن ڈاکٹر ہسپتال میں خدمات جاری رکھے ہوئے
باغی ٹی وی : ڈاکٹر ہسپتال میں اس وقت ڈیوٹی کرنے والے ڈاکٹر ابوبکر عتیق درانی امریکی ادارے ایف بی آئی کے مطلوب ہیں . ان پر الزام ہے کو انہوں نے امریکہ میں شہریوں پر جھوٹے آپریشن کیے تھے یعنی ان آپریشن کی ان کو ضرورت نہیں تھی اور انہوں نے اس طرح دو مریضوں کا غیر ضروری آپریشن کر کے ان کے مال اور صحت کا نقصان کیا تھا . امریکہ کی فیڈرل عدالت نے جرم ثابت ہونے پر ڈاکٹر درانی پر 1.77 ملین ڈالر کا جرمانہ کیا تھا .
واضح رہے کہ ڈاکٹر درانی کی اس جعل سازی پر ڈاکٹر کو جیل کی سزا بھی ہوئی تھی لیکن پھر وہ اپنی ضمانت کرا کر رہا ہوئے تھے . امریکا کی عدالت نے ان کا پاسپورٹ ضبط کر لیا تھا .
داکٹر درانی نے میکسیکو کے ذریعے سے پاکستان واپس راہ فرار اختیار کیا تھا . واضح رہے کہ ڈاکٹر درانی نے 2013 میں امریکہ کا رخ کیا تھا اور وہاں سے فروری 2020ء میں مسکسیکو اور پھر پاکستان آنے میں کامیاب ہوئے تھے .
پاکستان میں اب وہ ڈاکٹر ہسپتال میں اپنی خدمات انجام دے رہے ہیں . واضح رہے کہ امریکا میں مریضوں کے ساتھ غیر ضروری آپریشن ، فراڈ اور فیک سرجری کی وجہ سے بھاری جرمانے کی سزا دیے جانے والے اب پاکستان میں مریضوں کی صحت اور پیسے سے کھیل رہے ہیں.
امریکا جیسے ملک میں فراڈ کرنے اور لالچ کے لیے صحت سے کھلواڑ کرنے والے ڈاکٹر سے ہماری حکومت کیا سلوک کرے گی ، یہ بات کافی اہم ہے اور ان کا آزادانہ طور پر اپنے پیشے کو جاری رکھنا کیا حکام کے لیے تشویش ناک نہیں ہے کہ وہ پاکستانیوںکے ساتھ ایسا برتاؤ نہ کریں ؟
