امریکی ڈالر کی قیمت میںکمی
باغی ٹی وی :ملک بھر میں رواں ہفتے کے تیسرے کاروباری روز کے دوران روپے کے مقابلے میں امریکی ڈالر کی قیمت میں 14 پیسے کمی ریکارڈ کی گئی۔
تفصیلات کے مطابق رواں ہفتے کے پہلے کاروباری روز کے دوران امریکی ڈالر 22 پیسے مہنگا ہوا تھا جس کے بعد روپے کے مقابلے میں امریکی ڈالر کی قیمت 166 روپے 98 پیسے ہو گئی تھی۔
دوسرے کاروباری روز کے دوران امریکی ڈالر 92 پیسے مہنگا ہوا تھا، روپے کے مقابلے میں ڈالر 167 روپے 90 پیسے کی سطح پر پہنچ کر بند ہوا تھا۔آج انٹر بینک میں رواں کاروباری ہفتے کے تیسرے روز کے دوران امریکی ڈالر کی قیمت میں تنزلی دیکھی گئی ہے، روپے کے مقابلے میں امریکی کرنسی کی قدر میں 14 پیسے کی کمی دیکھی گئی جس کے بعد ایک امریکی ڈالر 167.76 روپے کا ہو گیا ہے
واضح رہے کہ گزشتہ سال کے آغاز میں ڈالر کی قیمت مسلسل بڑھتی رہی، جنوری میں ڈالر 138 روپے93 پیسے، فروری میں 138 روپے 90 پیسے اور مارچ میں 139 روپے10 پیسے تک پہنچ گیا۔
اپریل 2019 میں ڈالر نے بڑی چھلانگ لگئی اور 141 روپے 50 پیسے پر آ گیا۔ مئی میں اس کی قیمت میں تاریخ کا ایک بڑا اضافہ دیکھا گیا اور یہ 151 روپے تک پہنچ گیا۔جون میں ڈالر نے تمام ریکارڈ توڑ دیے اور تاریخ کی بلند ترین سطح 164روپے پر پہنچ گیا۔جولائی 2019 میں ڈالر کی اڑان رک گئی اور ڈالر کمی کے بعد انٹربینک میں 160 روپے اور اوپن مارکیٹ میں 161 روپے کا ہوگیا۔
اکتوبر 2019 کے اختتام پر روپے کی قدر مزید بہتر ہوئی اور ڈالر کی قیمت 155.70 روپے رہ گئی۔ نومبر2019 کے اختتام پر ڈالرکی قیمت خرید 155.25 اور قیمت فروخت 155.65 تھی۔ گزشتہ چھ ماہ سے ڈالر کی قیمت میں مسلسل کمی دیکھنے میں آرہی ہے اور اس دوران 9 روپے کی کمی آئی۔
