امریکی پابندیاں مسترد، تحریک آزادی فلسطین جاری رہے گی: اسلامی جہاد

اسلامی جہاد نے امریکی پابندیوں کو مسترد کرتے ہوئے کہا ہے کہ امریکی وزارت خزانہ کی طرف سے اسلامی جہاد اور حماس پر پابندیاں صہیونی قوتوں اور قابض اسرائیل کوخوش کرنے کی کوشش ہے۔ اسلامی جہاد ان امریکی پابندیوں کو مسترد کرتی ہے۔ ان پاپندیوں کی کوئی وقعت نہیں۔
اسرائیل کا ڈرون طیارہ فلسطین میں تباہ ہو گیا

مرکز اطلاعات فلسطین کے مطابق بیان میں کہا گیا ہے کہ امریکی اور صہیونی پابندیوں سے اسلامی جہاد تحریک آزادی فلسطین کی جدوجہد اور مزاحمت ترک نہیں کرے گی۔ امریکا کی طرف سے جماعت پر پابندیاں اسرائیلی دہشت گردی کی حمایت کے مترادف ہے۔

یاد رہے کہ تین روز قبل امریکا نے اسلامی جہاد اور حماس سمیت کئی عالمی تنظیموں پر اقتصادی پابندیاں عاید کردی تھیں۔