خالصتان تحریک کےرہنما امرت پال سنگھ کی گرفتاری کیلئے بھارتی پنجاب میں انٹرنیٹ 4 دن سے بند

نئی دہلی: بھارتی حکومت کی جانب سے خالصتان کے حامی امرت پال سنگھ کی گرفتاری کےلیے ریاست پنجاب میں انٹرنیٹ آج چوتھے روز بھی بند ہے۔

باغی ٹی وی : امریکی خبررساں ادارے ” سی این این ” کی رپورٹ کے مطابق بھارت میں اب انٹرنیٹ کی بندش معمول بنتی جارہی ہے پنجاب حکومت نے ابتدائی طور پر ہفتے کے روز 24 گھنٹے کے لیے انٹرنیٹ پرپابندی کا اعلان کیا تھا کیونکہ حکام نے علیحدگی پسند خالصتان تحریک کے ایک مقبول رہنما امرت پال سنگھ کو گرفتار کرنے کے لیے آپریشن شروع کیا تھا جو سکھ مذہب کے پیروکاروں کے لیے ایک خودمختار ریاست قائم کرنا چاہتا ہے۔

بھارتی پولیس نے خالصتان کے حامی سکھ رہنما کو گرفتارکرلیا

انٹرنیٹ کی بندش کے باعث 27 ملین آبادی والی ریاست اپنے بنیادی حق سے محروم ہے اور لوگوں کو رابطوں میں شدید مشکلات کا سامنا ہےپنجاب میں پولیس نے انٹرنیٹ کی بندش کو امن و امان برقرار رکھنے اور "جعلی خبروں” کے پھیلاؤ کو روکنے کے ذریعہ قرار دیا ہے۔

مقامی ٹیلی ویژن پر ویڈیو اور نشر ہونے والے ڈرامائی مناظر میں سنگھ کے سینکڑوں حامیوں کو دکھایا گیا، جن میں سے کچھ تلواریں اور لاٹھیاں تھامے پنجاب کی سڑکوں پر چل رہے تھے۔ امن و امان کو برقرار رکھنے کے لیے ریاست کے کئی اضلاع میں پولیس اور نیم فوجی دستوں کو تعینات کیا گیا تھا۔

گزشتہ دنوں یہ یہ اطلاعات سامنے آئی تھیں کہ امرت پال سنگھ کو گرفتار کرلیا گیا ہے۔ بھارتی حکومت نے ممکنہ ہنگاموں اور احتجاج کو روکنے کے لیے کئی شہروں میں انٹرنیٹ سروس معطل کردی تھی جس میں اب توسیع کردی گئی۔

آسام کے انتہا پسند وزیراعلیٰ نے ریاست کے تمام مدارس بند کرنے کا اعلان کردیا

پنجاب پولیس نے اتوار کو بتایا کہ کم از کم 112 افراد کو گرفتار کیا گیا ہے امرت پال سنگھ علیحدگی پسند رہنما اور وارث پنجاب دے تنظیم کے سربراہ ہیں۔ وہ کچھ عرصے سے مفرور ہیں اور ان کی گرفتاری کے لیے بھارتی پولیس چھاپے مار رہی ہے-

بھارت میں انٹرنیٹ کی بندش تیزی سے عام ہو گئی ہے، جس میں 800 ملین سے زیادہ انٹرنیٹ صارفین ہیں چین کے بعد دنیا کی دوسری سب سے بڑی ڈیجیٹل آبادی ہے-

اس ماہ کے شروع میں، نیویارک میں مقیم ایک ایڈوکیسی گروپ، جو انٹرنیٹ کی آزادی پرنظررکھتا ہے امریکی تنظیم ایکسس ناؤ کی رپورٹ کے مطابق 2022ء میں بھارت میں 84 مرتبہ انٹرنیٹ بند کیا گیا جس کے نتیجے میں انٹرنیٹ پر پابندی والے ممالک کی فہرست میں بھارت مسلسل پانچویں سال بھی سرفہرست رہا۔

رپورٹ میں کہا گیا کہ رکاوٹوں نےلاکھوں لوگوں کی روزمرہ زندگی کو سینکڑوں گھنٹوں تک متاثر کیا،انٹرنیٹ آبادی کے بڑے حصے کے لیے ایک اہم سماجی اور اقتصادی لائف لائن بن گیا ہے اور ملک کے الگ تھلگ دیہی علاقوں کو اس کے بڑھتے ہوئے شہروں سے جوڑتا ہے۔

بھارت کی سب سے بڑی ائیر لائن نے 50 طیارے انڈر گراؤنڈ کر دیئے

حکومت نے بارہا ہجومی تشدد کے خوف کے درمیان عوامی تحفظ کو برقرار رکھنے کی بنیاد پر انٹرنیٹ تک رسائی کو روکنے کا جواز پیش کرنے کی کوشش کی ہے۔ لیکن ناقدین کا کہنا ہے کہ شٹ ڈاؤن ملک کی آزادی اظہار اور معلومات تک رسائی کے عزم کے لیے ایک اور دھچکا ہے۔

حال ہی میں بھارت اور بیرون ملک خالصتان تحریک کی مقبولیت میں تیزی دیکھنے میں آئی ہے۔ لندن میں سکھوں نے بھارتی ہائی کمیشن پر پرچم ترنگا اتار کر خالصتان کا پرچم لہرایا۔ آسٹریلیا میں خالصتان کے قیام کےلیے ریفرنڈم کرایا گیا ہے۔

بھارتی پنجاب میں مودی حکومت کیخلاف حالیہ عرصے میں اس وقت نفرت میں اضافہ ہوگیا تھا جب حکومت نے متنازع زرعی قوانین منظور کیے تھے۔ اس قانون کیخلاف کسانوں نے زبردست تحریک چلائی۔ حکومت کے کریک ڈاؤن کے نتیجے میں 700 سے زائد کسان جان کی بازی ہار گئے تھے۔

امریکی میڈیا ٹائیکون کا 92 سال کی عمر میں پانچویں شادی کرنے کا اعلان