افغانستان میں حکومت سازی کےلیےانس حقانی کی حامد کرزئی، عبداللہ عبداللہ اور گلبدین حکمت یار سے ملاقات

کابل:افغانستان میں حکومت سازی کےلیےانس حقانی کی حامد کرزئی، عبداللہ عبداللہ اور گلبدین حکمت یار سے ملاقات،اطلاعات کے مطابق اس وقت افغانستان مٰیں حکومت سازی کے لیے مشاورت جاری ہے اوریہ بھی اطلاعات ہیں کہ اس حوالے سے طالبان کے وفد نے انس حقانی کی قیادت میں افغان دارالحکومت میں افغان رہنماوں سے بات چیت کی ہے

افغان میڈیا کے مطابق افغان طالبان وفد کی قیادت قطر میں سیاسی دفتر کے رکن انس حقانی نے کی۔اس حوالے سے یہ بھی معلوم ہو اہے کہ افغان سینیٹ کے سابق چیئرمین فضل ہادی سمیت دیگر حکام بھی ملاقات میں موجود تھے۔

ترجمان افغان طالبان ذبیح اللہ مجاہد نے بھی طالبان قائدین کی افغان سیاسی رہنماؤں سےکابل میں پہلی باقاعدہ ملاقات کی تصدیق کر دی ہے۔

ذبیح اللہ مجاہد نے بتایا کہ طالبان وفد نے سیاسی قائدین کے سکیورٹی انتظامات کا جائزہ لیا، افغان سیاسی قیادت کو فول پروف سکیورٹی فراہم کر دی ہے۔

بعدازاں حقانی نیٹ ورک کے اہم رہنما انس حقانی نے سربراہ حزب اسلامی گلبدین حکمت یار سے بھی ملاقات کی۔

دوسری جانب ذرائع کا بتانا ہے کہ طالبان کے نائب امیر ملا عبدالغنی برادر بھی آج کابل پہنچیں گے جس کے بعد طالبان وفد اور مصالحتی کونسل میں حکومت سازی پر بات چیت متوقع ہے۔

ادھر کابل سے آمدہ اطلاعات میں بتایا گیاہےکہ افغان طالبان مشاورت کا یہ سلسلہ دیگرافغان رہنماوں سے کرنے کے لیے ان کے علاقوں کوروانہ ہوچکے ہیں‌

ادھر ذرائع نے یہ بھی دعویٰ‌کیا ہے کہ تینوں افغآن رہنماوں گلبدین حکمت یار، عبداللہ عبداللہ اورحامد کرزئی نے تمام ترتعاون کی یقین دہانی کروائی ہے اورافغان طالبان پراظہاراعتماد کیا ہے