سینئراینکر پرسن مبشر لقمان کی قصور پریس کلب کے عہد داران کی حلف برداری تقریب میں خصوصی شرکت
باغی ٹی وی رپورٹ کے مطابق ، قصور پریس کلب میں عہداران کی حلف برداری تقریب ہوئی جس میں سینیئر صحافی اور اینکر پرسن مبشر لقمان قصور پریس کلب کے عہدیداران کی تقریب حلف برداری میں بطور مہمان خصوصی کے طور پر شریک ہوئے. قصور پریس کلب کی اس پر وقار تقریب میں سینئر صحافی اور اینکر پرسن مبشر لقمان کو مہمان خصوصی کی حیثیت مدعو کیا گیا تھا ، حلفی برداری کی تقریب کے موقع پر مبشر لقمان کو پر جوش انداز سے خوش آمدید کہا گیا ، ان کوہار پہنائے اور ان پر پھولوں کی پتیاں نچھاور کی گئیں..
واضح رہے کہ پچھلے دنوں پریس کلب کے انتخابات ہوئے۔ڈسٹرکٹ پریس کلب , ڈسٹرکٹ الیکٹرانک میڈیا, اور ڈسٹرکٹ یونین آف جرنلسٹ قصور الیکشن 2020 میں کامیاب ہونے والے عہداران کی حلف برداری کی تقریب میں سنئیر اینکر پرسن مبشر لقمان, سنئیر اینکر پرسن عمران خان , ندیم عباس بارا, مولانا ناصر مدنی,سردار فاخرعلی ایڈووکیٹ ,علامہ ضیاءاللہ شاہ بخاری, کی خصوصی شرکت ڈسٹرکٹ پریس کلب , ڈسٹرکٹ الیکٹرانک میڈیا قصور اور ڈسٹرکٹ یونین آف جرنلسٹ کے سردار شریف سوہڈل صدر اور جنرل سیکرٹری کے خطاب تفصیلات کے مطابق ڈسٹرکٹ پریس کلب اور ڈسٹرکٹ یونین آف جرنلسٹ جو کہ الیکشن 2020میں جناح ہال قصور میں حلف برداری کی تقریب کا اہتمام کیا گیا تقریب کا باقاعدہ آغاز تلاوت قرآن پاک سے کیا گیا اور نعت رسول مقبول صلی اللہ علیہ والہ وسلم پیش کی گئی بعد اذاں سنئیراینکر پرسن مبشر لقمان نے ڈسٹرکٹ پریس کلب قصور اورسنئر صحافی عمران خان ڈسٹرکٹ یونین آف جرنلسٹ اور علامہ ضیاءاللہ شاہ نے ڈسٹرکٹ الیکٹرانک میڈیا قصور کے عہداران سے حلف لیا تقریب سے خطاب کرتے ہوئے ڈسٹرکٹ پریس کلب کے سنئیر صحافی شریف سوہڈل نے کہا کہ ہم نے جو پودا لگایا تھا وہ ماشاء اللہ اب ایک تن آور درخت کی شکل اختیار کر چکا ہے اللہ کا لاکھ لاکھ شکر ہے ڈسٹرکٹ پریس کلب قصور کے انتخابات بخیر و خوبی مکمل ہوگئے ہیں اور اب نئے عہدیداروں کی ذمہ داری ہے کہ وہ اپنی بہترین صلاحیتوں کو بروئے کار لاتے ہوئے آئین اور بائی لاز کے مطابق اپنی خدمات کو ڈسٹرکٹ پریس کلب کے اراکین کی فلاح و بہبود اور صحافت کے وقار کی بحالی کے اعلیٰ ترین مقاصد کےلئے سر انجام دیں جبکہ ڈسٹرکٹ الیکٹرانک میڈیا کے سید عامر حسین تقوی نے خطاب کرتے ہوئے کہا کہ صحافیوں کا قلم اور کیمرہ قوم کی امانت ہے مثبت صحافت کرناہم سب پر فرض ہے علاقائی صحافیوں کی ذمہ داری ہے کہ وہ اپنے اپنے علاقہ کے مسائل اپنی قلم کے ذریعے اجاگر کریں تاکہ شہریوں کی بنیادی مسائل اعلی حکام تک پہنچ سکیں اور انہیں حل کروانے میں اپنا کلیدی کردار ادا کریں ڈسٹرکٹ یونین آف جرنلسٹ کے جنرل سیکریٹری سید تنویر شاہ نے اپنے خطاب میں کہا کہ ڈسٹرکٹ پریس کلب اور ڈسٹرکٹ یونین آف جرنلسٹ قصور نےشہریوں کے مسائل اجاگر کرنے کے لیئے سرگرم عمل ہے صحافیوں کے ہر دور میں حق وصداقت کا علم بلندکیا اور اپنے قلم کے ذریعے ظلم وجبراور معاشرتی ناانصافیوں کے خلاف جہاد کیا ڈسٹرکٹ پریس کلب اور ڈسٹرکٹ یونین آف جرنلسٹ کے تمام ممبران نےہمیشہ علاقائی مسائل اجاگر کرنے میں اہم کردار ادا کیا ڈسٹرکٹ کشمنرقصور منظر علی جاوید نے اپنےخطاب میں کہا کہ آج کی حلف برداری کی تقریب مثالی ہے اور ڈسٹرکٹ پریس کلب الیکٹرنک میڈیا اور ڈسٹرکٹ یونین آف جرنلسٹ کے تمام ممبران کے اتفاق کودیکھ کر دلی خوشی ہوئی ہے ہم تمام عہداران کو انکی کامیابی پر مبارکباد پیش کرتے ہیں اور دعا کرتے ہیں کہ اللہ تعالیٰ ان سب کی قلم میں مزید اضافہ فرمائے تقریب میں ڈسٹرکٹ قصور سے ملک شرافت علی گوہر , وسیم اختر چوہدری, سید عابد بخاری, صابر چوہدری سید افضل شاہ, چوہدری بشارت علی کمبوہ, عمران علی, سردار طالب بھٹہ, حافظ وحید اشرف, رانا جنید , کامران اشرف , رانا جنید سمیت ممبران اور شہر بھر کی اعلیٰ شخصیات نے شرکت کی اس دوران سیکورٹی کے سخت انتظامات کئے گئے تھے ڈسٹرکٹ پریس کلب قصور اور یونین آف جرنلسٹ کے صدرحافظ شریف اشرف اور رانا منصور نے انتظامیہ کا بھی شکریہ ادا کیا تقریب کے آخر میں آنے والے معزز مہمانوں اور ممبران کےلیے ظہرانے کا انتظام بھی کیا گیا۔
