اینکر عمران خان نے پلوشہ سے بدتمیزی کی ، انکا رویہ نہایت نامناسب تھا، نوے فیصداینکروں کوصحافتی تربیت کی ضرورت ہے، مونا خان
باغی ٹی وی کی رپورٹ کے مطابق خاتون صحافی و تجزیہ نگار مونا خان نے کہا ہے کہ اینکر عمران خان نے پلوشہ سے بدتمیزی کی ، انکا رویہ نہایت نامناسب تھا، نوے فیصداینکروں کوصحافتی تربیت کی ضرورت ہے،
سماجی رابطے کی ویب سائٹ ٹویٹر پر ٹویٹ کرتے ہوئے مونا خان کا کہنا تھا کہ صاف ظاہر ہےکہ کون بدتمیزی کر رہا ہے۔پلوشہ نے کبھی بھی صحافیوں سے بدتمیزی نہیں کی۔کم از کم میں نے نہیں دیکھا کبھی بدتمیزی کرتےہوئے۔
صاف ظاہر ہےکہ کون بدتمیزی کر رہا ہے۔پلوشہ نے کبھی بھی صحافیوں سے بدتمیزی نہیں کی۔کم از کم میں نے نہیں دیکھاکبھی بدتمیزی کرتےہوئے۔اینکر کا رویہ نہایت نامناسب ہے۔یہی وجہ ہے 90فیصداینکروں کوصحافتی تربیت کی ضرورت ہےبائیو میں ہر اینکر خود کو جرنلسٹ نہ ہوتے ہوئے بھی جرنلسٹ لکھ لیتا ہے https://t.co/9Sa6MsYA8N
— Mona Khan (@mona_qau) July 2, 2020
مونا خان کا کہنا تھا کہ اینکر کا رویہ نہایت نامناسب ہے۔یہی وجہ ہے 90فیصداینکروں کوصحافتی تربیت کی ضرورت ہےبائیو میں ہر اینکر خود کو جرنلسٹ نہ ہوتے ہوئے بھی جرنلسٹ لکھ لیتا ہے
واضح رہے کہ گزشتہ شب نجی ٹی وی پر اینکر عمران خان کے پروگرام میں پیپلزپارٹی کی رہنما پلوشہ خان بطور مہمان تھیں،جس میں پلوشہ خان نے کہا کہ فیصلہ آپ نے تو نہیں کرنا ،آپ تو بیٹھ کر وکالت کر رہے ہیں
اس پر اینکر عمران خان کا کہنا تھا کہ سندھ کے عوام کی وکالت میں کروں گا،سندھ کے عوام کی وکالت سے نہ بلاول، نہ زندہ بھٹو روک سکتا ہے، آپ مجھے نہیں روک سکتے، سندھ کی عوام پر ظلم کرین گے، گولیاں ماریں گے،صحافی کو قتل کر دیں گے، پھر ثبوت بھی سامنے نہیں آںے دیں گے تو میں تو آواز اٹھاؤں گا
اینکر عمران خان کا کہنا تھا کہ سندھ کے ہسپتالوں کی حالت دیکھ لیں،ان پر بات کروں گا، تھر میں بچے مر رہے ہیں، کرونا کو کنٹرول نہیں کر رہے تو میں اس پر بات کروں گا
پلوشہ خان کا کہنا تھا کہ دوسرے مہمان بات کریں، میرے سر میں درد ہے مجھے اجازت دیں جس پر عمران خان نے کہا کہ یہ آپ کا حق ہے،آپ چڑھائی کرین گی میرے اوپر اور میں چڑھائی کرنے دوں گا ایسا نہیں ہو سکتا، سیاسی بات آپس میں کریں مجھے جواب دیں،
پلوشہ خان نے بات کی تو عمران خان نےکہا کہ آپ اپنا پوائنٹ آف ویو دیں، پلوشہ یہ بدمعاشی نہیں چلے گی، آپ نے موقف دینا ہے تو دیں ورنہ ماےئیک اتار کر جائیں، بدتمیزی نہیں کرنے دونگا، جو صحافی آپ کی بد تمیزی سنتے ہیں ان سے جا کر بد تمیزی کریں
اینکر عمران خان کا کہنا تھا کہ کل میں نے توشہ خان کیس پر بات کی تھی، آپ لوگوں نے میسجز کئے اور کہا کہ کرپشن پر بات نہ کریں ، الٹا بھی لٹک جائیں گے آپ لوگ پھر بھی میں بات کرنے سے باز نہیں آؤں گا
نجی ٹی وی کی یہ ویڈیو سوشل میڈیا پر وائرل ہو چکی ہے، ٹی وی کے ٹویٹر اکاؤنٹ سے یہ ویڈیو ایک بار پوسٹ کی گئی بعد ازاں اسکو ڈیلیٹ کر دیا گیا تا ہم یہ ویڈیو وائرل ہو چکی ہے
