ناراضگی اپنی جگہ مگربہترپاکستان کےلیےپاکستان تحریک انصف ہی آخری امید ہے:یارمحمد رندنےمیلہ لوٹ لیا

کوئٹہ :ناراضگی اپنی جگہ لیکن بہترپاکستان کے لیے پاکستان تحریک انصف ہی آخری امید ہے:یار محمد رند نےمیلہ لوٹ لیا ،اطلاعات کے مطابق سینیٹ کے چیئرمین صادق سنجرانی نے پاکستان تحریک انصاف بلوچستان کے پارلیمانی لیڈر، وزیراعظم عمران خان کے معاون خصوصی اور وزیر تعلیم بلوچستان سردار یار محمد رند سے ان کی رہائش گاہ پر ملاقات کی۔

ملاقات میں ملکی مجموعی سیاسی صورتحال اور سینیٹ انتخابات پر تبادلہ خیال کیا گیا۔صادق سنجرانی پی ٹی آئی رہنما سردار یار محمد رند کو منانے میں کامیاب ہوگئے اور انہوں نے ان کے بیٹے کو دستبردار کرانے میں راضی کرلیا۔

اس موقع پرسردار یارمحمد رند نے کہا کہ ناراضگیاں اپنوں سے ہی ہوتی ہیں اورناراضگی کا مقصد معاملات کوبہتری کی طرف لے کرجانا تھا ،

سردار یارمحمد رند نے کہا کہ میں پھر کہتا ہوں کہ بہترپاکستان کے لیے پاکستان تحریک انصاف ہی آخری امید ہے ، اس لیےپاکستان کی خاطرتمام ناراضگیاں ایک طرف لیکن پاکستان کی ترقی کے اس سفر کو لیکر آگے بڑھنے میں پیچھے نہیں ہٹوں گا

خیال رہے کہ یار محمد رند کے بیٹے نے ٹکٹ نہ ملنے پر جنرل نشست پربطور آزاد امیدوار کاغذات جمع کرائے تھے۔