واٹس ایپ میں انیمیٹڈ ایموجیز کا فیچر متعارف

میٹا کی زیرملکیت میسجنگ ایپ واٹس ایپ میں انیمیٹڈ ایموجیز کا فیچر متعارف کرایا گیا ہے۔

باغی ٹی وی: یوں تو ایموجیز، GIFs، اسٹیکرز اور ری ایکشنز جیسے فیچرز کافی عرصے سے موجود ہیں واٹس ایپ میں نئے ایموجیز کا اضافہ ہوتا رہتا ہے بلکہ صارفین اپنے ایموجی اسٹیکرز خود بھی تیار کر سکتے ہیں مگر اب کمہنی نے انیمیٹڈ ایموجیز کا فیچر متعارف کرایا گیا ہے-

واٹس ایپ کی اپ ڈیٹس پر نظر رکھنے والی ویب سائٹ ویب بیٹا انفو کی رپورٹ کے مطابق یہ فیچر ڈیسک ٹاپ کے بیٹا ورژن میں متعارف کرایا گیا ہےان انیمیٹڈ ایموجیز کی تیاری کے لیے Lottie نامی فائل فارمیٹ کو استعمال کیا گیا ہے جو موبائل ڈیوائسز کے لیے بہترین سمجھا جاتا ہے۔

اس فائل فارمیٹ سے سستے فونز میں بھی اس فیچر کو استعمال کرنا ممکن ہو سکے گایہ فیچر ابھی بیٹا ورژن میں موجود ہے تو ابھی یہ کہنا مشکل ہے کہ عام صارفین کے لیے اسے کب تک متعارف کرایا جا سکتا ہے ڈیسک ٹاپ سے ہٹ کر فونز پر کب تک اس کی دستیابی ممکن ہوگی۔