پاکستانتازہ ترین

آئین کی بالادستی ہوئی متحدہ اپوزیشن کا یومِ تشکر منانے کا اعلان

3 سال قبل
3 سال قبل

شہباز شریف کا کہنا تھا کہ عوام کی دعائیں قبول ہوئیں پاکستان کا آئین بچ گیا پاکستان بچ گیا ۔ہم عدالت عظمی کے شکر گزار ہیں پاکستان کی عوام کی خواہشات کی عکاسی ہوئی ہے پارلیمنٹ کو مضبوط اور آئین کے تقدس کو بحال کیا گیا ہے یہ جنگ ہم نے غربت بے روزگاری مہنگائی کے خلاف لڑنی ہے ملکر لڑیں گے ۔

شہباز شریف کا کہنا تھا کہ آئین توڑنے پر سزا کے بارے میں تفصیلی فیصلہ پڑھ کر بتائیں گے

خرم دستگیر نے میڈیا سے گفتگو کرتے ہوئے کہا کہ آج تاریخ کا دھارا بدلا ہے اور پاکستان کی اعلی ترین عدالت نے آئین پاکستان کی توقیر اور بائیس کروڑ پاکستانیوں کی عزت کا فیصلہ کیا ہے وہ مقدس دستاویز جسے ہم آئین کہتے ہیں وہ کاغذ کا ٹکڑا نہیں آئین ذندہ دستاویز ہے اس پر عمران خان کی حکومت نے حملہ کیا ۔ آئین کے تحت تحریک عدم اعتماد کا عمل جاری تھا جھوٹی بنیاد پر بغیر ثبوت کے ڈپٹی سپیکر نے مسترد کیا اور ہم نے ڈرامہ دیکھا کہ وزیراعظم نے چند منٹوں میں اسمبلی تحلیل کرنے کا اعلان کر کے آئین شکنی کی اور خطوں پر خط لکھنے شروع کر دیئے آج اللہ کے ہاں سجدے کا دن ہے عدالت نے واضح اور صاف پوری طرح آئین سے حفاظت کا آرڈر دیا ۔رولنگ مسترد کر دی گئی ڈمی وزیراعظم کے احکامات مسترد کر دیئے گیے وہ غیر قانونی تھے اگلے چند گھنٹوں میں پاکستان کی منتخب قومی اسمبلی دوبارہ سیشن میں آئے گی اور جو عدم اعتماد ہم سے چھین لی گئی تھی وہ واپس آئے گی

سپریم کورٹ بار کے صدر احسن بھون کا کہنا تھا کہ سب سے پہلے سپریم کورٹ کو مبارکباد دیتا ہوں انہوں نے نظریہ ضرورت کو ہمیشہ کے لیے دفن کیا آئین کی بالادستی ہوئی یہ کسی پارٹی کی نہیں آئین پاکستان کی جیت ہے اس کاوش میں جن لوگوں نے حصہ لیا انکا مشکور ہوں آج جو آرڈر آیا سب کو مبارکباد دیتا ہوں آئین کی بحالی کے حوالہ سے کل پورے ملک میں وکلا کمیونٹی یوم تشکر منائے گی۔ آئین کے استحکامِ کے لیے ملکر کام کریں گے ۔ریاست کو مزید مضبوط کرنا ہے ۔

 

 

سپریم کورٹ آف پاکستان کی جانب سے فیصلہ سنانے کے بعد بلاول بھٹو نے ٹوئٹر پر بیان جاری کرتے ہوئے کہا کہ ‘جمہوریت بہترین انتقام ہے، جیئے بھٹو، جیئے عوام ،پاکستان زندہ باد’۔

 

 

مریم نواز کہتی ہیں کہ قوم کو آئین کی سر بلندی بہت بہت مبارک۔ آئین توڑنے والوں کا کام ہمیشہ کے لیے تمام ہوا۔ اللّہ پاکستان کو چمکتا دمکتا رکھے۔

 

مولانا فضل الرحمان کا کہنا تھا کہ اطمینان بخش فیصلہ تھا کل یوم احتجاج نہیں یوم تشکر ہو گا جمعہ کی نماز کے بعد دعا کریں ملک کی سلامتی کے لیے ریلیاں بھی ہوں گی ۔اب یوم تشکر ہو گا ۔

 

سراج الحق کہتے ہیں کہ سپریم کورٹ نے نظریہ ضرورت کو دفن کر دیا۔ جس مقام سے نظریہ ضرورت نے جنم لیا تھا، وہیں اس کی قبر بنی۔ فیصلہ خوش آئند ہے۔ پوری قوم خیرمقدم کرتی ہے

 

 

ٹیگز:
Shares: