نور مقدم قتل کیس میں ایک اور ملزم گرفتار،ملزم کون جان کرہرکوئی حیران رہ گیا

اسلام آباد:نور مقدم قتل کیس میں ایک اور ملزم گرفتار،ملزم کون جان کرہرکوئی حیران رہ گیا،اطلاعات کے مطابق وفاقی دارالحکومت اسلام آباد میں قتل ہونے والی نور مقدم کے کیس میں ایک اور ملزم جان محمد کو گرفتار کرلیا گیا۔

پولیس ذرائع کے مطابق ملزم جان محمد ملزم ظاہرجعفر کےگھر پر مالی تھا اور نور کے قتل کے روز موقع پر موجود تھا۔پولیس ذرائع کا کہنا ہے کہ ملزم جان محمد قتل کے واقعےکے بعد مانسہرہ فرارہوگیا تھا۔

پولیس ذرائع نے بتایا کہ ملزم جان محمد سے قتل کے حوالے سے مزیداہم معلومات لے لی گئیں ہیں جبکہ ملزم کو نورمقدم کے قتل کے الزام میں نامزد کردیاگیا ہے۔

خیال رہے کہ نور مقدم کیس میں مرکزی ملزم ظاہر جعفر کے علاوہ اس کے والدین کو بھی گرفتار کیا گیا۔

اس سے قبل نورمقدم کیس میں نیا موڑ آیا تھا اور ذرائع کے مطابق نور مقدم قتل کیس کے مرکزی ملزم ظاہر جعفر کے والد ذاکرجعفر کی جانب سے قتل کے واقعے کو ڈکیتی کا رنگ دینے کی کوشش کی گئی۔

ذرائع کا کہنا ہے کہ ذاکر جعفر ساڑھے3گھنٹے اپنے بااثر دوستوں سے قتل کے معاملے کو ڈکیتی کا رنگ دینے کیلئے درخواست کرتے رہے۔