پاکستان میں مجموعی تعداد 20 ہوگئی،گلگت بلتستان میں 14 سالہ بچے کو کورونا وائرس

اسلام آباد :پاکستان میں مجموعی تعداد 20 ہوگئی،گلگت بلتستان میں 14 سالہ بچے کو کورونا وائرس ،اطلاعات کےمطابق گلگت بلتستان میں کورونا وائرس کا نیا کیس سامنے آگیا جس کے بعد پاکستان میں مجموعی کیسز کی تعداد 20 ہوگئی۔

پاکستان میں جوں جوں کرونا وائرس کے مریضوں کی تعداد میں اضافہ ہورہا ہے ویسے ویسے بے چینی بڑھتی جارہی ہے، دوسری طرف اس حوالے سے گلگت بلتستان کے فوکل پرسن برائے کورونا وائرس ڈاکٹر شاہ زمان نے اسکردو کے 14 سالہ لڑکے میں کورونا وائرس کی تصدیق کی اور بتایا کہ متاثر لڑکا اپنی والدہ کے ساتھ 25 فروری کو ایران سے پاکستان پہنچا تھا۔

ڈاکٹر شاہ زمان کا کہنا تھا کہ متاثرہ لڑکا 4 اور 5 مارچ کی شب اہل خانہ کے ہمراہ اسکردو پہنچا تھا، جہاں 6 مارچ کو اس میں کورونا وائرس کی علامات ظاہر ہوئی اور انہیں آئسولیش وارڈ منتقل کردیا گیا۔انہوں نے بتایا کہ 6 مارچ کو بھیجی گئی رپورٹ پر اسلام آباد کی لیبارٹری نے 7 مارچ کو تصدیق کی کہ متاثرہ فرد کا ٹیسٹ مثبت آیا۔

ڈاکٹر شاہ زمان کا کہنا تھا کہ زین علی کے تمام خاندان کے نمونے حاصل کرکے تصدیق کے لیے لیب بھجوادیے گئے ہیں۔انہوں نے متاثرہ فرد کے بارے میں بتایا کہ وہ اپنی والدہ کے ساتھ زیارت کے لیے ایران گیا تھا۔