پولیس اہلکار عبدالعزیز کو گزشتہ ہفتے کورونا وائرس کی علامت ظاہر ہونے پر ایس آئی یو ٹی میں داخل کرایا گیا تھا اور گزشتہ 4 روز سے ایس آئی یو ٹی میں وینٹی لیٹر پر زندگی اور موت کی کشمکش میں تھا، جو آج زندگی کی بازی ہار گیا۔
عبدالعزیز کا آبائی تعلق تونسہ شریف سے ہے، اور وہ ضلع سٹی میں تعینات اور ایس ڈی پی او رسالہ کے ڈرائیور کے طور پر ڈیوٹی انجام دے رہا تھا، عبدالعزیز میں کورونا وائرس کی تشخیص کے بعد ایس ڈی پی او کا کورونا ٹیسٹ منفی آیا تھا، جب کہ دیگر عملے کا کورونا ٹیسٹ بھی کرایا گیا ہے۔
