شریف خاندان کے ایک اور فرد کی بیرون ملک فرار کی کوشش ناکام

لاہور:شریف خاندان کے ایک اور فرد کی بیرون ملک فرار کی کوشش ناکام
تفصیلات کے مطابق وفاقی تحقیقاتی ادارے (ایف آئی اے) نے شہباز شریف کے بھتیجے یوسف شریف اور عبدالعزیز عباس کو بیرون ملک فرار ہونے سے روکا گیا۔

ایف آئی اے ذرائع کے مطابق یوسف عباس شریف نجی ایئر لائن سے حج پر جانے کے لیے ایئر پورٹ پہنچے تھے تاہم ایف آئی اے حکام نے انہیں بیرون ملک جانے سے روک دیا کیونکہ یوسف عباس شریف کے خلاف قومی احتساب بیورو (نیب) میں تحقیقات چل رہی ہیں۔

دوسری طرف یوسف عباس شریف اور عبدالعزیز عباس بلیک لسٹ ہونے کے باعث بیرون ملک نہیں جا سکیں گے جبکہ نیب لاہور کی جانب سے دونوں افراد کا نام ایگزٹ کنٹرول لسٹ (ای سی ایل) میں داخل کرنے کی درخواست کر دی گئی۔

شریف فیملی کے خلاف تحقیقات سے متعلق نیب ذرائع کا کہنا تھا کہ سابق وزیراعلی پنجاب کے صاحبزادے سلمان شہباز کو بیرون ملک سے 58 کروڑ 27 لاکھ 45 ہزار 451 روپے منتقل ہوئے۔ سلمان شہباز نے کالے دھن کو سفید کرنے کےلیے مشتاق چینی اور یاسر چینی کو فرنٹ مین بنایا۔