غیر قانونی پیٹرول پمپس کا دھندہ اینٹی کرپشن کے ریڈار پر صوبہ بھر میں غیر قانونی پیٹرول پمپس کے خلاف بڑا کریک ڈاؤن جاری ہے ، ڈی جی اینٹی کرپشن پنجاب گوہر نفیس نے بتایا کہ اینٹی کرپشن ملتان ریجن نے خانیوال سے با اثر شخصیات کے گیارہ غیر قانونی پیٹرول پمپس سیل کر دئیے۔ سیل کئے جانے والے پیٹرول پمپس K فارم کے بغیر چل رہے تھے۔
کے فارم کے بغیر پیٹرول پمپ چلانا موت کی تجارت کے مترادف ہے۔ انسانی جان کی حفاظت اولین ترجیہی ہونی چاہیے۔ ڈی جی اینٹی کرپشن پنجاب نے مزید کہا کہ مہر شاہ پٹرولیم سروس، القیوم پٹرولیم نیازی چوک خانیوال سربمہر کر دئیے گئے۔
بلوچ پٹرولیم ، ٹو سٹار پٹرولیم سروس سمیت مجموعی طور پر گیارہ پیٹرول پمپس سیل کر دئیے گئے۔ اینٹی کرپشن خانیوال کی سربراہی میں محکمہ سول ڈیفینس اور انڈسٹریز نے مشترکہ آپریشن کیا۔سیل کئے جانے والے پیٹرول پمپس حفاظتی اقدامات کے بغیر چل رہے تھے۔
Leave a reply
