سابق وزیراعظم نواز شریف سے کوٹ لکھپت جیل میں اینٹی کرپشن حکام تحقیقات کریں گے، اس حوالہ سے ٹیم جیل میں پہنچ گئی ہے.

باغی ٹی وی کی رپورٹ کے مطابق سابق وزیراعظم نواز شریف سے کوٹ لکھپت جیل میں آج اینٹی کرپشن کی ٹیم تحقیقات کرے گی، ڈائریکٹر اینٹی کرپشن ساہیوال شفقت اللہ کی قیادت میں اینٹی کرپشن کی ٹیم کوٹ لکھپت پہنچ چکی ہے. ٹیم سپرنٹنڈنٹ جیل کے کمرے میں سابق وزیراعظم نوازشریف سے تحقیقات کرے گی۔

کوٹ لکھپت جیل سپرنٹنڈنٹ نے اینٹی کرپشن حکام کو پاکپتن درباراراضی الاٹمنٹ کیس میں سابق وزیراعظم نواز شریف سے جیل میں تفتیش کی جائے گی، ٹیم کو عدالت نے تحقیقات کی اجازت دی تھی .

واضح رہے کہ 1985 میں نواز شریف جب وزیراعلیٰ تھے اسوقت انہوں نے پاکپتن میں دربار کے گرد محکمہ اوقاف کی اراضی غیر قانونی طور پر دربار کے سجادہ نشین کے نام منتقل کردی تھی اور محکمہ اوقاف کا جاری کردہ زمین واپس لینے کا نوٹیفیکیشن بھی منسوخ کردیا تھا۔

نواز شریف سے جیل میں سہولیات واپس، نواز کی جیلر کی منتیں

سابق وزیراعظم نواز شریف کوٹ لکھپت جیل میں قید ہیں وہ العزیزیہ ریفرنس کیس میں سات برس قید کی سزا کاٹ رہے ہیں، جیل میں نواز شریف سے ملاقات کا دن جمعرات کا مقرر ہے، نواز شریف کی طبیعت کی خرابی کی وجہ سے خاندان کے 5 افراد کو ملاقات کی اجازت دی جاتی ہے .

فیصل آباد میں مریم نواز کا ناکام ترین شو، مریم لیگی رہنماؤں پر برہم

کیپٹن ر صفدر نے اپنی بیوی مریم نواز کا ہاتھ پکڑنا چاہا تو…..کیا ہوا؟ اہم خبر

مریم صفدراور اس کے شوہر پر مقدمہ درج

چند روز قبل پنجاب حکومت نے سابق وزیراعظم نواز شریف کیلئے کوٹ لکھپت جیل میں گھر سے کھانا منگوانے پر پابندی عائد کر دی ہے،اس سلسلے میں ترجمان وزیراعلیٰ پنجاب ڈاکٹر شہباز گل کا کہنا تھا کہ نوازشریف عدالت سے سزایافتہ قیدی ہیں، جیل مینول کے مطابق ان کے ساتھ سلوک ہوگا. مریم نواز نے بھی کھانے پر پابندی کے خلاف احتجاج کیا ہے اور بھوک ہڑتال کرنے کا اعلان کیا تھا.