مہنگائی کیخلاف شاہراہ فیصل تا کراچی پریس کل ریلی نکالی جائے گی

پاکستان مرکزی مسلم لیگ کراچی کامہنگائی وبجلی اور پیٹرولیم مصنوعات کی قیمتوں میں اضافے کے خلاف اینٹی مہنگائی مارچ کا اعلان کردیا ہے۔ اینٹی مہنگائی مارچ 3ستمبر بروز اتوار دن 3بجےنرسری شاہراہ فیصل تا کراچی پریس کلب تک نکالا جائے گا۔جس کی قیادت مرکزی قائدین کریں گے۔ اس بات کا فیصلہ شاہراہ فیصل پر واقع پارٹی کے صوبائی سیکٹریٹ مسلم لیگ ہاوس میں اہم پارٹی اجلاس کے دوران کیا گیا ہے.

جس کی صدارت پاکستان مرکزی مسلم لیگ کے نائب صدر فیصل ندیم کررہے تھے اس موقع پر کراچی کے صدر احمد ندیم اعوان، رہنما انجینئر محمد نعمان کراچی کے ٹاؤن صدور و دیگر عہدیداران بھی موجود تھے۔ قائدین کا کہنا تھا کہبجلی کےبلوں میں ظالمانہ ٹیکسز قابل قبول نہیں ۔ موجودہ حکومت کے دور میں بجلی، گیس اور پیٹرولیم مصنوعات کی قیمتوں میں اندھا دھند اضافے نے غریب عوام کو جیتے جی مار دیا ہے۔مصنوعی مہنگائی ایک ناسور کی شکل اختیار کر چکی ہے۔
مزید یہ بھی پڑھیں؛
پاکستان ہاکی فیڈریشن ایگزیکٹو بورڈ کا اجلاس 5 ستمبر کو ہو گا
اپر چترال میں چکن پاکس پھیلنے لگا،درجنوں افراد متاثر
مہنگائی میں مزید اضافہ ہوگیا
سی پیک مکمل ہونے کے بعد ملک میں ترقی اور خوشحالی کا دور آئے گا،پرویز خٹک
اوپن مارکیٹ میں ڈالر 328 روپے کی تاریخی سطح پر پہنچ گیا
ہمیں مہنگائی کا احساس ہے، کوشش کر رہے ہیں کہ عوام کو ریلیف دیں۔ کے پی کے نگران وزیر اطلاعات
انہوں نے مزید کہا کہ پاکستان کی عوام اب اس ناسور کو مزید برداشت نہیں کرسکتی ۔قائدین نے اس موقع پر گزشتہ روز پیٹرولیم مصنوعات میں اضافے کی شدید مذمت بھی کی ۔قائدین کا کہنا تھا کہ موجودہ نگران حکومت نے عوام دوستی کا نہیں بلکہ عوام دشمنی کا ثبوت دیا ہے۔حکمرانوں کے موجودہ حکومتی اقدامات سے مہنگائی کا سونامی عوام کیلئے ناقابل برداشت ہوگیا ہے۔ حکومت آہستہ آہستہ عوام سے جینے کا حق چھین رہی ہے۔ پاکستان مرکزی مسلم لیگ عوام کے ساتھ یہ ظلم نہیں ہونے دے گی۔ہم نے گزشتہ دنوں مہنگائی مخالف مظاہرے کرکے عوام کی آواز بنے ہیں ۔اتوار کے روز اینٹی مہنگائی مارچ سے عوام کی آواز حکام بالا تک پہنچائیں گے۔اس موقع پر قائدین کے عوام سے درخواست کی کہ اس اینٹی مہنگائی مارچ میں شریک ہوکر مہنگائی مخالف مہم کا حصہ بنیں ۔اور اینٹی مہنگائی مارچ کو کامیاب بنائیں۔