بالی وڈ اداکار انوپم کھیر نےانسٹاگرام پر اپنی حالیہ تصویر شئیر کی ہے ، اس میں وہ داڑھی اور سفید بالوں میں نظر آرہے ہیں. انوپم کو اس حلیے میں دیکھ کر ان کے مداح حیران رہ گئے ، مداحوں کو لگا کہ انوپم کھیر کسی سنجیدہ بیماری میں مبتلا ہو گئے ہیں. لیکن ایساکچھ بھی نہیں ہے کیونکہ انوپم کھیر نئی فلم میں یہ کردار کررہے ہیں . یہ کردار کس فلم کا ہے اور یہ فلم کب ریلیز ہو رہی ہے ان کے علاوہ فلم کی دیگر کاسٹ میں کون ہے اس حوالے سے انہوں نے مداحوں کو آگاہی نہیں دی .
انوپم کھیر نے لکھا کہ ”میں نئی فلم میں بھارت کے معروف شاعر کا کردار کررہا ہوں” ، اس میں ان کی زندگی کو ڈسکس کیا گیا ہے اور میری خوش قسمتی ہے کہ مجھے اتنے بڑے شاعر کی زندگی پر بننے والی فلم میں کام کرنے کا موقع میسر آیا ہے. یاد رہے کہ انوپم کھیر نے بالی وڈ میں اسی کی دہائی میں قدم رکھا انہوں نے مثبت منفی اور کامیڈی ہر طرح کے کردار کئے انہیںہر کردار میں خوب سراہا گیا. انوپم کھیر نے فلموں میں کام کرنے کے علاوہ پرگرامز بھی ہوسٹ کئے ہیں .
