بھارتی معروف اداکارہ انوشکا شرما نے کچھ عرصے کے لیے بالی ووڈ کو خیر باد کہہ دیا ہے۔
باغی ٹی وی : بھارتی میڈیا کی رپورٹس کے مطابق رواں سال ادکارہ اور کرکٹر ویرات کوہلی کے ہاں بیٹی وومیکا ویرات کی پیدائش ہوئی ہے اور اپنی بیٹی کی دیکھ بھال میں مصروف ہیں انہیں آخری مرتبہ سال 2018 میں شاہ رخ خان اور کترینہ کیف کے ساتھ فلم ’زیرو‘ میں دیکھا گیا تھا آنند ایل رائے کی فلم باکس آفس پر بلاک بسٹر رہی تھی ، اور اس کے بعد سے اب تک اداکارہ کسی فلم میں نظر نہیں آئیں شائقین اب انہیں سلور اسکرین پر دیکھنے کے بے تابی سے منتظر ہیں۔
رپورٹس کے مطابق اداکارہ انوشکا شرما سال 2022 میں بھی اسکرین پر واپس آنے کا ارادہ نہیں رکھتیں کیونکہ انوشکا شرما بیٹی سے متعلق بہت سنجیدہ ہیں، وہ آئندہ سال بھی بیٹی کی دیکھ بھال اور پرورش میں وقف کرنا چاہتی ہیں۔ اداکارہ نے فی الحال کسی بھی پروجیکٹ کا حصہ بننے سے صاف انکار کردیا ہے، وہ بیٹی سے متعلق رسک نہیں لینا چاہتیں۔
بھارتی طبی ماہرین اور سائنسدانوں نے بھارت میں کورونا کی تیسری لہر آنے کا خدشہ ظاہر کیا ہے جس سے بچوں پر اثر انداز ہونے کا امکان ہے اور وہ مہاراشٹرا کو بڑے پیمانے پر نشانہ بنائیں گے۔
انوشکا شرما اس غیر یقینی صورت حال میں اپنا دھیان صرف اور صرف بیٹی پر رکھنا چاہتی ہیں، انہوں نے اپنی ٹیم کو بھی نئے پروجیکٹ نہ لینے کی ہدایت کردی ہے-
