جمعیت علماء اسلام کے سربراہ مولانا فضل الرحمان نے حکومت مخالف تحریک کے حوالہ سے 26 جون کو آل پارٹیز کانفرنس بلانے کا اعلان کیا ہے.
باغی ٹی وی کی رپورٹ کے مطابق اے پی سی کی قیادت مولانا فضل الرحمن کریں گے. مذکورہ اے پی سی اپوزیشن جماعتیں مشترکہ طور پر حکومت مخالف تحریک چلانے سے متعلق لائحہ عمل ترتیب دیں گی. یہ کانفرنس 26 جون کو صبح گیارہ بجے اسلام آباد میں ہو گی.
اے پی سی میں چیئرمین سینیٹ کی تبدیلی کے حوالہ سے بھی فیصلہ کیا جائے گا. واضح رہے کہ گزشتہ ہفتے پاکستان پیپلز پارٹی (پی پی پی) کے چیئرمین بلاول بھٹو زرداری اور جمیعت علمائے اسلام (ف) کے سربراہ مولانا فضل الرحمان کے درمیان ملاقات ہوئی جس کے دوران حکومت مخالف تحریک اور کل جماعتی کانفرنس پر مشاورت کی گئی تھی۔ اسی طرح بلاول بھٹو کی مریم نواز سے ملاقات میں بھی اے پی سی کے انعقاد پر اتفاق رائے کا اظہار کیا گیا تھا.
اے پی سی میں ملک بھر کی تمام سیاسی و مذہبی جماعتیں شریک ہوں گی. اےپی سی میں شہبازشریف، بلاول بھٹوزرداری شریک ہوں گے. اسی طرح اےاین پی،جماعت اسلامی سمیت اپوزیشن جماعتوں کےقائدین شریک ہوں گے. اےپی سی میں حکومت مخالف تحریک چلانےسےمتعلق فیصلہ کیا جائے گا.
