اہم قومی مسائل پر اے پی سی، شیڈول میں تبدیلی،نئی تاریخ آ گئی
![zardari , shehbaz , fazal](https://baaghitv.com/wp-content/uploads/2023/01/zardari-shehbaz-fazal.jpg)
باغی ٹی وی کی رپورٹ کے مطابق وزیراعظم شہباز شریف کی جانب سے قومی اہم مسائل پر مشاورت کے لئے بلائی گئی اے پی سی کی تاریخ بدل دی گئی، اے پی سی کے نئے شیڈول کا اعلان کر دیا گیا
وزیراعظم کی جانب سے بلائی گئی اے پی سی اب سات فروری کی بجائے جمعرات نو فروری کو ہو گی، اے پی سی میں دہشتگردی کے خاتمے اورمعاشی صورتحال پر غور کیا جائے گا اے پی سی کے شیڈول میں تبدیلی وزیراعظم شہبازشریف کی مصروفیات کے باعث کیا گیا. اے پی سی میں تحریک انصاف کو بھی شرکت کی دعوت دی گئی ہے تا ہم ابھی تک تحریک انصاف نے اے پی سی میں شرکت کا فیصلہ نہیں کیا،
اے پی سی میں پاکستان کی تمام پارلیمانی جماعتوں کو دعوت دی گئی ہے، اے پی سی میں ملکی معاشی صورتحال اور بڑھتی ہوئی دہشت گردی کو لے کر اہم فیصلے کئے جائیں گے،
وفاقی وزیر اطلاعات، ن لیگ کی رہنما مریم اورنگزیب کا کہنا ہے کہ دہشتگردی کے مسئلے پر بلائی گئی آل پارٹیزکانفرنس 7 کے بجائے9 فروری جمعرات کو ہوگی آل پارٹیزکانفرنس میں ملک کی تمام قومی وسیاسی قیادت کو مدعو کیا گیاہے، دہشتگردی اوردرپیش چیلنجز کے مقابلے کی مشترکہ حکمت عملی مرتب کی جائے گی،
دوسری جانب وزیراعظم شہباز شریف کی اسلام آباد روانگی ملتوی ہو گئی ہے،وزیراعظم نے خصوصی طیارے کے ذریعے اسلام آباد روانہ ہونا تھا،وزیراعظم شہباز شریف ماڈل ٹاون میں اپنی رہائشگاہ پر موجود ہیں شہبازشریف سے لیگی رہنما سیف الملوک کھوکھرکی ملاقات ہوئی ہے وزیراعظم نے سیف الملوک کھوکھر کو لاہور پارٹی کاضلعی صدر بننے پر مبارکباد دی،
فوج اور قوم کے درمیان خلیج پیدا کرنا ملک دشمن قوتوں کا ایجنڈا ہے،پرویز الہیٰ
بیانیہ پٹ گیا، عمران خان کا پول کھلنے والا ہے ،آئی ایم ایف ڈیل، انجام کیا ہو گا؟
کراچی کو ایسے فرد کی ضرورت ہے جو اسٹیک ہولڈرز کو ساتھ لیکر چلے۔