اپنی جیت کشمیریوں کے نام کرتا ہوں، 2 نومبر کو ہونے والی فائٹ کی بھرپور تیاری ہے، باکسر محمد وسیم

باکسر محمد وسیم نے کہا ہے کہ اپنی جیت کو کشمیری بھائیوں کے نام کرتا ہوں،

باغی ٹی وی کی رپورٹ کے مطابق کوئٹہ میں میڈیا سے گفتگو کرتے ہوئے محمد وسیم نے کہاکہ 2 نومبر کو ہونے والی فائٹ کی بھرپور تیاری کررہا ہوں، میری ہمیشہ کوشش رہی ہے کہ ملک کانام روشن کروں، نئےٹرینرزکی وجہ سےبہت فائدہ ہوا ہے، پہلےراؤنڈمیں ہی حریف کوناک آؤٹ کیا، استقبال نہ کرنے پرحکومت سےکوئی شکوہ نہیں کیا،

واضح‌ رہے کہ پاکستانی باکسر محمد وسیم چند دن قبل ہی دبئی میں منعقدہ پروفیشنل باؤٹ میں کامیابی حاصل کرنے کے بعد وطن واپس پہنچے ہیں، محمد وسیم نے دبئی میں منعقدہ پروفیشنل باؤٹ میں فلپائن کے باکسر کو پہلے ہی راؤنڈ میں ناک آؤٹ کرکے کامیابی حاصل کی تھی ۔ انہوں نے اپنی کامیابی مقبوضہ کشمیر کے عوام کے نام کی تھی، محمد وسیم کامیابی کے بعد وطن واپس آئے تو اسلام آباد ایئرپورٹ پر ان کے استقبال کے لیےکوئی حکومتی نمائندہ نہیں پہنچا اور وہ نجی کمپنی کی ٹیکسی سروس پر روانہ ہو گئے تھے،