سیالکوٹ،باغی ٹی وی (بیوروچیف شاہد ریاض)آل پاکستان رائٹرز ویلفیئر ایسوسی ایشن اور کاروان قلم رائٹر فورم پاکستان کے زیر اہتمام اپووا ادبی کانفرنس ایک مقامی ہوٹل میں منعقد ہوئی۔ تقریب کا آغاز تلاوتِ قرآن پاک اور نعتِ رسول مقبول ﷺ سے ہوا۔
تقریب کے مہمانِ خصوصی ڈویژنل صدر تنظیم الاخوان پاکستان عبدالحمید چھینہ ایڈووکیٹ نے ذکرِ قلبی کی اہمیت و افادیت پر روشنی ڈالی جبکہ چیئرمین اپووا زبیر احمد انصاری نے زندگی کے مقصد اور آخرت کی تیاری پر تفصیلی خطاب کیا۔
تقریب میں نامور ادبی شخصیات اور ماہرین نے نوجوان لکھاریوں کی رہنمائی کے لیے اصلاحی لیکچرز دیے۔ مقررین میں لیجنڈ وصدارتی ایوارڈ یافتہ راشد محمود، پروفیسر ہارون الرشید تبسم، سینئر صحافی ندیم نظر، سعدیہ ہما شیخ ایڈووکیٹ، بانی و صدر ایم ایم علی اور ڈاکٹر انعم پری شامل تھے۔
اس موقع پر اعلیٰ صحافتی خدمات پر مختلف صحافیوں کو ایوارڈز سے نوازا گیا، جن میں امین رضا مغل، جنید آفتاب، ڈاکٹر ندیم ملک اور باغی ٹی وی کے بیوروچیف شاہد ریاض شامل تھے۔ علاوہ ازیں مختلف مکاتبِ فکر سے تعلق رکھنے والی شخصیات، بشمول خرم میر اور مرزا عرفان علی کو بھی ایوارڈز دیے گئے۔
تقریب کے اختتام پر تمام شرکاء میں سرٹیفکیٹس تقسیم کیے گئے جبکہ صحافیوں، موٹیویشنل اسپیکرز، شعراء اور کالم نگاروں سمیت مرد و خواتین کی بڑی تعداد نے شرکت کی۔
یہ ادبی کانفرنس نوجوان لکھاریوں کی تربیت، ادب کے فروغ اور صحافتی خدمات کے اعتراف کے لیے ایک اہم سنگِ میل ثابت ہوئی۔
Shares:
