عرب امارات کے مشکور ہیں،دبئی میں وزیرخارجہ سے کس کی ہوئی ملاقات؟
عرب امارات کے مشکور ہیں،دبئی میں وزیرخارجہ سے کس کی ہوئی ملاقات؟
باغی ٹی وی کی رپورٹ کے مطابق وزیر خارجہ شاہ محمود قریشی کی پاکستان میں تعینات متحدہ عرب امارات کے سفیر سے ملاقات ہوئی ہے
دو طرفہ تعلقات اور مختلف شعبہ جات میں تعاون کے فروغ پرتبادلہ خیال کیا گیا،وزیر خارجہ شاہ محمود قریشی کا کہنا تھا کہ متحدہ عرب امارات نے ہمیشہ پاکستانی بھائیوں کے ساتھ محبت کا اظہار کیا پاکستان میں اسپتالوں اور دیگر ترقیاتی کاموں میں معاونت پر امارات کےمشکورہیں، دونوں ممالک کےدرمیان برادرانہ تعلقات ہیں ،پاکستان اور متحدہ عرب امارات میں تعلقات مزید مضبوط ہوں گے ،
متحدہ عرب امارات کے سفیر حماد عبید ابراہیم کی دبئی میں وزیر خارجہ مخدوم شاہ محمود قریشی سے ملاقات۔ pic.twitter.com/hOpGg0U7DG
— Baaghi TV باغی ٹی وی (@BaaghiTV) December 17, 2020
شاہ محمود قریشی متحدہ عرب امارات میں مقیم پاکستانی کمیونٹی سے بھی ملاقات بھی کریں گے۔ توقع ہے کہ وزیر خارجہ کا یہ دورہ، پاکستان اور متحدہ عرب امارات کے مابین گہرے تاریخی، مذہبی اور تہذیبی بنیادوں پر استوار دو طرفہ تعلقات کو مزید وسعت دینے میں معاون ثابت ہو گا۔
اماراتی حکام سے ملاقاتوں میں دو طرفہ تعلقات کے فروغ اور باہمی دلچسپی کے امور پر تبادلہ خیال کیا جائے گا۔ دفترخارجہ کا کہنا ہے کہ وہ دوطرفہ تعاون، تجارت، سرمایہ کاری اور پاکستانیوں کی فلاح و بہبود پر تبادلہ خیال کریں گے۔
واضح رہے کہ گزشتہ ماہ متحدہ عرب امارات نے پاکستان سمیت12 ممالک کے شہریوں کو ویزٹ ویزا کا اجرا روک دیا تھا۔ترجمان دفترخارجہ زاہد حفیظ چوہدری نے اپنے بیان میں کہا تھا کہ یو اے ای انتظامیہ کی جانب سے یہ فیصلہ ممکنہ طور پر کورونا وائرس کی دوسری لہر کے پیش نظر کیا گیا۔وزٹ ویزا پر پابندی کے چند ہفتوں بعد وزیرخارجہ کا دورہ انتہائی اہمیت کا حامل ہے اور توقع کی جا رہی ہے متحدہ عرب امارات کی طرف سے مثبت پیش رفت سامنے آئے گی۔
