عرب لیگ کے سیکٹری جنرل نے یمن میں امن و امان بارے اہم بات کہہ دی
باغی ٹی وی :عرب لیگ زور دیا ہے کہ یمن کے بحران کے کو حل کیا جائے جس کےلیے جنگ بندی ضروری ہے .
عرب لیگ کے سیکریٹری جنرل احمد ابوالغیط نے اس سلسلے میں بیان دیتے ہوئے کہا ہے کہ جنگ بندی یمن کے بحران کے حل کی جانب پہلا قدم ہے۔ ابوالغیط نے جعمرات کو ریاض میں سعودی وزيرخارجہ فیصل بن فرحان کے ساتھ ملاقات میں یمن کے تعلق سے سعودی موقف کو سراہا۔
عرب لیگ کے جنرل سیکریٹری نے کہا کہ یمن حوثی باغیوں کی تنظیم تحریک انصاراللہ وہ بیرونی ایجنڈے پر کام کررہی ہے، انہوں نے انصاراللہ پر زور دیا کہ وہ یمن کے مفادات کو دیگر مفادات پر ترجیح دے۔ اور دوسروں کا آلہ کار نہ بنے
سعودی عرب نے دوماہ قبل یمن میں جنگ بندی کی خواہش ظاہر کی تھی . اور کہا تھا کہ وہ یمن میں امن کا خواہا ں ہے اس سلسلے میں یمن کے بعض علاقوں میں جنگ بندی میں پہل بھی کی تھی .
یمن پر یکطرفہ جارحیت اور اپنے اہداف میں ناکامی کی وجہ سے آل سعود کو سخت ہزیمت کا سامنا کرنا پڑا ہے اور سعودی حکومت یمن میں قیام امن کی بات کرنے پر مجبور ہوگئی ہے۔یمنی عوام کا کہنا ہے کہ جو چیز سعودی حکام جنگ کے ذریعے حاصل نہيں کرسکے اسے اب امن منصوبے کی بات کرکے حاصل کرنے کی کوشش کر رہے ہيں۔
